حياك أبو صدام صراحة ما قصرت ياسمين عطتنا ملخص لتعريف رجل آخر في عالم آخر ههههههه ( أبو صدام ) الله محيي أصلك و ترابك
هلا بيـك ومليووووون الهلا والله يحيي أصلك بالله رسوم أنت من أهل شمر ولا أهل الزبيـر فيـك عرق للشمال وااااضح بسميك بوعدااااي
الحقيقة من دون مجاملة هنا في قصتك دلالة ان فيك قابلية لسرعة البديهة :) و يدل أيضا على ذكائك و يدل أيضا على استعباطك يا عبيط هههههه الله يسعدك . لا ؛ أعتقد ان الأمر عادي جدا لكن الموظف يبغى يسوي لك فيها إني أنا الموظف و أنت حدك مراجع طرطور ههههههه لو اني محلك و لا ألتفت له و أعطيه خامس ( الخامس يعني عشق الدبل خامس في وجهه و لا يهمك :) بس عجبتني بإحراجه أنشهد انك ذيب
لبـى قلبك يارسووووم ههههههههههههه مثلك عارف الخامس بالأكسنت ينام العززززم
البارحة عزمت على ترك علاج النوم و قلت سهاري سهاري لأن عندي أشغال ودي أنجزها
و فعلا أصبحت و الطيور توزوز و الذئاب تعوي
كديت على موتري وديت جندي فالحرس الوطني ثم لقيت إللي يبغى الفاضلي و أظنك تعرف الفاضلي يا بو صدام إللي عقب الجبيل و لقيت خير من وراهم ثم حوّلت على مركز التأهيل الشامل للإعانات خذيت أوراقهم موقعة مختومة وديتها لمستشفى الأمل و قالوا لي أجيهم بعد العيد و المكتوب بيجي و الله يسهل الأمور و منها صرفت أدوية من الأمل لمدة شهر سركويل و أبو أولانزابين و تربتيزول و إندرال
الله يثبتك يارب والله نصيحة لك وكل أخـواني وخـواتي الصلاة ثم الصلاة والله تنور حياتـك ربي يسعدك ويوفقك
المهم طلعت من بوابة المستشفى إلا شوفة عيني الشايب إللي بعصاه بيد و شنطه بيد و يقطع خط أبو حدرية المحلي فأضرب له هرن و أقوله بالإشارة تعال جاي - الشيبة وده يقطع أبو حدرية عاد أنت تعرف أبو حدرية أربع شوارع رايحة جاية عام سريع و محليين و هاك الصبيات القشرا - ( الحين بتقول وش لقفني له إلا عشان الشنطه هههههههههههه )
لاحـد يسمعك ويمر على بوحدريه صدقني يدعـي عليك أسوأ خط على وجه الكره الأرضيه بس تمشي فيه يسبب لك ارتجاج بالمخ وبالذات بالأكسنت هههههههههه
عاد أنا شفته و هو واقف على صبية فلما شافني فباليآلله ينزل باليد عصا و باليد شنطه و رجال ما يشوف نظارة و باليآلله المهم جاني ثم ركب قلت له و ين بغيت قال مستشفى الأمل القديم و تسولفت معه طلع الرجال من القصيم جاي من مركز ( أمان ) يبغى يقابل الإدارة و المنومين قال لي رحت المستشفى ذا - يقصد الجديد - و قالوا لي انهم في القديم - و يقولي أنت وقفني في الشارع الثاني و بآخذ تاكسي قلت أدل القديم ازهلها
وديته للي يبغاه و لقي مطلوبه و عطاني قسمي و زود جعله و من يعول و جدانه بالجنة :)
ووالديـنك بالجنـة ربي يجزاك الف خيـر الله يفتح عليك يارب من واسع أبـوابه