المشاركة الأصلية كتبت بواسطة مستكفّة

بتشتغلي عندك وظيفه ؟ عندك شي يشغل وقتك ؟
الاكتئاب اصبح منتشر بشكل عصري مافي احد تقعدي معاه حتى لو بيضحك و بيمزح و مبتسم الا و تلقيه مكتئب و مهموم و موجوع.
لازم بالاراده نخرج نفسنا ننقذها من هالة الاكتئاب و الاستعانه بالله المحافظه على الصلاه في وقتها و الاذكار و شغل وقت الفراغ و عمل حميه مناسبه و ممارسه المشي او الرياضه كلها امور بسيطه نحاول بها بدل الاستسلام و نتفرج على انفسنا سنه تسحب سنه واحنا على نفس الحال.
الشي اللي راح خلاص راح تخنا نعمل رجيم مرضنا اللهم اشفنا ولا اعتراض كل شي مكتوب و مقدره ربنا الضجر يأدي لليأس و القنوط من رحمه الله الضعف و الاستسلام اكبر منفذ للاكتئاب.
عدم ثقتك في نفسك مخلي التأتأه تلازمك اعملي الصح و اعلمي ان الله كاتب لك خير فوضي امرك له كوني قويه متى حمستي نفسك للانتصار عليها بتروح التأتأه وكل شي ينغص حياتك انفضيه لا تفكري فيه و اول حاجه لازم تنزلي وزنك والله و صدقيني التخن يزود الاكتئاب و يخليكي ما تثقي في نفسك متى نزلتي راح تتغير نفسيتك للاحسن.
في بالفيس بوك نظام حميه حلو كثير ناس خسو عليه لو ماتقدري تروحي اخصائيه اسمه لو عاوز تخس او لو نفسك تخس حاجه زي كدا ممتاز النظام اتمنى تفتحي عليه و تعقدي العزم على التغيير. خلي هالسنه غير و للافضل تكوني عملتي فيها اكبر انجاز بحياتك. اذا لسه ما طرقتي باب الادويه لا تاخذيها استعيني بالله على نفسك و لا تستسلمي.