نفساني - عرض مشاركة واحدة

04-09-2016, 08:27 PM

اقتباس:

المشاركة الأصلية كتبت بواسطة رسوم متحركة

بالأخير القريب كنت موظف بشركة على راتب 5000 ريال لكن عانيت معاناة كبيرة في الوظيفة و أختي قالت لي استمر و إصبر عليها و يزوجوني لكن ما أدري وش اللي بلاني ما استمريت عليها كنت عايف وقتها الدنيا و مالي خلق بأي شي.

بس أقولك عندي إحساس إن الوالد راح يزوجني بــــــــ حر ماله إن شاء الله هذا حدس ما هو بأكيد لكن الوالد بعض الأحيان يحدب ( يعطف ) علي بس هذي ظنون المفروض ما أخذها بعين الإعتبار

اللي ودي به إن شاء الله تتعدل أموري و ييسر لي بوظيفة

خلود أنا حالة فريدة من بين أخواني و أخواتي فوقي أكبر مني 6 و كلهم متزوجين و أكبر وحدة فينا عيالها أعرسوا و إثنين من أخواني تحتي متزوجين و أختي أصغر مني متزوجة و الثانية جايها الطريق و ما راح يبقى بالبيت إلا أنا و العجوز و الشيبة هاه وش تقولين الحين كيف هي حالتي الفريدة من نوعها حتى مع الناس الآخرين أنا باكون وحش و الله خايف وش باكون في قادم العمر و التفكير بالموت ما يفارقني هذا اللي معكرني و مكبلني عن المسير في خطى السنة الربانية في الحياة الطبيعية

يلعن أبو هيك دنيا خلاص بآخذ لي بسة و أربيها و أخليها تهجم على ارانيبك هههههههههههه بس و الله بي غيظ و مخنوق من هكذا أوضاع و امور :(

هههههه انا اللي باموت رعب من البسه ماحب البساس روح فرغ غيضك بعيد عن ارانبي مالهم ذنب انت لو شفتهم يرق قلبك لهم سبحان الله.
الاحظك في نقطتين دايما تعيدها مقارنتك باخوانك و بالناس و اهتمامك بنقطه انك ممكن تكون مثل الوالد او انك راح تعتمد على ما لديه من مال و عطف لا يا عالي انا عندي تبقى كذا بدون زواج ولا انك تنتظر ابوك يزوجك عشان تلقى نفسك شخصيتك و كيانك و قيمتك قدام زوجتك الوظيفه مهمه جدا و لازم تسعى بجد و بهمه و توكل على الله و راتب يبدا بخمسه مو بطال بكره يزيد و ربك يبارك لا تنظر للماضي و ابدأ من جديد حياه عمليه بعزيمه و المقارنات هذه ماراح تجني منها غير التعب التوأم اللي يكونوا في بطن واحده و يخرجوا الدنيا بشكل واحد ربنا كاتب لكل واحد منهم نصيب و قسمه ماراح ياخذ اكثر ولا اقل منها و لكل حياته و رزقه ماحد عايش حياه غيره ولا بياخذ شي ماهو له ارضى بما قسمه الله لك و خلي دايما فكرة ان كل تأخيره و فيها خيره انت بتقرأ سوره الكهف كل جمعه القصص اللي فيها خاصه قصه الخضر تعلمك كيف لابد نرضى بقضاء الله و ما نحزن على اي امر بيحصل لنا ما نحبه وما نتوقعه .
كل امرك خير و مسيره ربك الطبيعيه ماشيه بامر منه وحكمه لا يكفي منك الصبر و الاحتساب كمان لابد من بذل الاسباب و السعي و المجاهده في هذه الحياه .