المشاركة الأصلية كتبت بواسطة مستكفّة

دحين انا نفسي افهم ايش دخل الجيش تلقي عليهم تحيه في ردك علي هههههههههه الله يقطع شرك يا عالي
و الشرافي تشرفنت بسبب وناتك شكلها كانت تمشي و تجر اذانيها مع طول الونات و التنهيت هههههههههههههه
اوقات يا عالي لما احب اخرج عن مود التعب و الحزن احب اقرأ ردودك اموت ضحك قسم بالله شي هستيري بصراحه حتى امي تستغرب فجأه انفجر عليهم اضحك زي المجانين انت تغير مجرى الحديث لطرق غير متوقعه و يدخل كلام في كلام و اهم حاجه الكلمات اللي بين الاقواس و الترجمه شغاله معك ما شاء الله ربي يحميك اللهم صلي على النبي من جد ربي يسعدك زي ما بتسعدنا بخفه دمك الله يحفظك.
خلي يوم يعدي بدون مقارنه و تفكير في امور ماهي بيدك و لاحظ الفرق في نفسيتك و صحتك ارمي همك و توكل على الله و فوض امرك له ماراح يظلمك رب كريم رحيم عظيم.
انت قاعد تحرق في نفسك هالك نفسك بنفسك ايش الفايده بس بطل هالعاده و بتسلم بإذن الله الحياه ماشيه ماشيه خلينا نعيشها ببسمه بزفره راحه بحمدالله على النعمه نسعد انفسنا باقل القليل و نعطي لانفسنا الكثير من الامل باننا نحو الافضل وما نحن عليه هو الخير بكل ثقه بالله وماعلينا بمن حولنا.

الله يشرح صدرك و يهديك و يصلح لك الحال يارب.