نفساني - عرض مشاركة واحدة

14-09-2016, 01:00 AM

اقتباس:

المشاركة الأصلية كتبت بواسطة عامريه

دوم اقول مب هلع انا فيني شي ثاني الهلع دقات القلب سريعا او كتمه او او انا متواااصل واتمنى انام صعب جدا علي النوم لا استطيع النوم من الم راسي كانه انسرق مني النوم
احيانا ادخل ف النوم ولا احس وتكون ساعه بالكثير از ساعتين

اذا كان تفكيرج كله في المرض مابيروح ابد وبيضل مستمر
والي عندج هذي اعراض مابعد النوبات وتستمر حتى يتغير تفكيرج
سوي بعض الامور مثلاً
1-يلسي مع نفسج وحطي في بالج انه ابتلاء من رب العالميين وان الله ابتلاج لانه احبج واكثر الناس بلائاً هم الانبياء ثم الصالحون
2-حطي في بالج ان نوبات الهلع مهما زادت الاعراض لن يصيبج اي شي لا موت ولا جنون نهائياً
3- المشي يومياً حتى ولو نص ساعه بيفيدج كثيرررر
4-خالطي ربيعاتج واخواتج لا اتمين اروحج معزوله لانها تسبب الافكار ووساوس
5-الصلوات في وقتها واذكار الصباح والمساء والتأمل في مخلوقات الله
6- الاكل الصحي وكثري من الفواكة
7- اذا عندج هوايه معينه مارسيها ونميها واشغلي نفسج فيها مثل القراءة والطبخ والشطرنج او اذا عندج بلايستيشن اطمشي فيه وضيعي وقتج

والله بتحسين براحة كبيرة بس ابتسمي وهذي هي الحياه اليوم انتي هذي حالتج باجر تفرج مايتم شي على ماهو عليه بس بالعزيمة والاصرار يتحقق المستحيل ولا تنسين انج تكونين في معية الله وابعدي عن الامور السيئة وضفي ذهنج من شوائب الحياة السلبية واستبدليها بالامور الايجاببة ، جربي الامور الي قلتلج عنها وخليها روتين لحياتج وصدقيني بتتحسنين وايد ??