نفساني - عرض مشاركة واحدة

22-09-2016, 10:21 AM

ابنى العزيز اهلا بك على كوكب الارض

الحمد لله على سلامتك شرفت ونورت البيت

ارجوك بلاش عياط افتح عيونك واذانك واسمعنى كويس

انا عارف انك مش عاوز تطلع من بطن امك ومش عاوز كمان تخرج للدنيا معليشى الموضوع داغصب عنى وعن امك

ارجوك كفاية عياط و متعملش فى نفسك كده ومتعملسش فيها فيلسوف زى ابو العلاء المعرى وتقول هذا من عمايل ابويا هذه جناه ابى عليا ليه كده يابا

وياريت متعملش زى اولاد سمير غانم اللى قالوا لابوهم بتخلفونا ليه لاتقل مثل هذا الكلام والا اغضب عليك واحرمك من حنانى ياما اتعبنا وسهرنا على هذه اللحظة التاريخية

يابنى انك لم تخرج من رحم امك ولكنك خرجت من رحم المعاناة

بس بلاش عياط خلاص يابنى الفاس وقعت فى الراس مافيش خلاص لامناص

جابه وواجه مصيرك المحتوم فى هذه الحياة خليك راجل وجدع مؤدب زى ابوك عاوز ك بطل زى طارق بن زياد

بلاش عياط عشان ندخل فى الكلام المفيد

معليشى الرضاعة حتكون صناعية لان امك مش عاوزة اترضع عشان الاناقة والرجيم

لكن وحياتك لاشترى ليك احسن واجود حليب فى العالم ولو عاوز حليب لبوة اجيبوا ليك عشان تكون شبل هذا الاسد
بعد شهور ممكن تاكل باسنانك
حتثولى و هى الاسنان فين اصبر شوية
حتطلع ليك اسنان لبنية ممكن تاكل فراولة وكشرى وانت مطمن لكن على خقيف عشان استهلاك الحفاظات وغضب ماما عليك لما تعملها
بعدين تسقط اسنانك وتطلعك اسنان قوية افضل واحسن من الاول ممكن بعدها تكل بيها حتى الزلط وتدافع بها عن نفسك وانت مطمن
وحيطلع ليك شعر راس جميل ويبرز منخارك الى هذا الوجود

وبعدين تروح الشارع تلعب كورة وترجع البيت تتفرج على تووم وجيرى وبعدين تجرى زيوو تضرب اختك و تاكل وتنام

ولما تكبر شوية تروح المدرسة وتاكل سندوتش فى الفسحة

فيه شوية تعب انا عارف وبدون عياط منك لكن الحياة حلو يابنى بس عاوزين نفهمها

وبعدين يطلعلك شنب ولحية و كمان شعر فى اماكن محرمة دوليا على الناس تشوفها ومش عاوز اقول اكثر مستحى شوية

وبعدين اتخش الجامعة وبرضاى عليك يابنى اتخش كلية الطب عشان اداوى الغلابة والعيانين

تفسى اشوفك زى الدكتور مصطفى محمود بيفهم كل حاجة والناس كلها ببتفرج عليه فى التلفزيون والناس داعيالو

لما اتروح الجامعة حتلاقى الماء ساخ على البطيخ خذ بالك من نفسك يابنى حافظ على سمعة وشرف العيلة

طبعا الطلبة ممكن يطلعوا مظاهرات ضد الحكومة ارجوك ماتطلعش معاهم خلى اللى يتكلم يتكلم ا الله يخرب بيت الثورات والمظاهرات والله يخرب بيت ويكب زيت اللى يمشى فيها ويتكلم عليها كفاية عياط يابنى فيه سر خطير عاوز اقوله بس خايف

ناسف لقطع الرسالة من المصدر

المصدر: نفساني