نفساني - عرض مشاركة واحدة

26-09-2016, 08:44 AM

اقتباس:

المشاركة الأصلية كتبت بواسطة نفرٌ من الجن

يا انعكاسات انا كنت في فترة من الفترات موسوس مثلك واخاف من العين والحسد لدرجة اني صرت ما احب اخرج من البيت
بس بعدين بديت افكر في الموضوع وحسيت ان فيه شي غلط وان العين هذي كلها اوهام صنعناها في عقولنا وبعدين صدقناها وهي في الحقيقة وهم لا وجود له
عندك انا هنا اذكر يوم طلعت الصف الثاني الثانوي طولت بشكل مفاجئ في خلال 3 اشهر فقط كان طولي 160 وبعد ما رجعت من اجازة الصيف وبدأ الفصل الدراسي الا وطولي صار 180 في خلال اشهر بسيطة فقط!!
ويوم دخلت الفصل اصحابي كلهم استغربوا من شكلي يقولون وشفيك رحت طويل كذا فجأة وفي ثلاثة شهور فقط!!
وشوفيني الحمد لله لاجاتني عين ولا شي

وبرضه في واحد من اقاربي تخرج من الثانوية العامة قسم علمي في عام 22 هجري على ما أذكر وكان الاختبار وقتها اسئلته تجي من الوزارة وجاب نتيجته في الاختبار 100% وكل المواد اخذ فيها الدرجة كاملة بدون أي نقصان
ونزلوا شهادته في جريدة عكاظ وباسمه كامل وصوروا شهادته في الجريدة وشافوها كل الشعب السعودي ويمكن بعد كل الشعب العربي والحين عايش حياته طبيعي ولا اعطوه عين ولا شي!!
والحين شغال في مستشفى في الرياض جراح قلب بعد ما كمل دراسته في كندا وعايش ولا فيه اي شي أبدا لا عين ولا هم يحزنون

وشوفي عندك العداء اولسن بولت اسرع رجل في العالم وكل وسائل الاعلام تصوره وعيون الناس عليه ولا فيه شي
وشوفي بعد ملكات الجمال في المسابقات يطلعون في التلفزيون وكل الخلق يشوفونهم ولا صابهم شي
وغيرها كثير
يعني لا تقعدين توسوسين في وهم لا وجود له والعين هذي اصلا وهم موجود في عقولنا ومع التفكير والوسوسة يبدأ هذا الوهم يتجسد كأعراض جسدية بسبب كثرة الاسترسال في الافكار والاوهام

ماشاءالله عليهم تبارك الله
الله يزيدهم من فضله
وحسبي الله على من رسخ فكرة العين والحسد في بالي
وخوفني منها بعد ماكنت ما اهتم لها
صح الغلط يقع علي اني اوسوس فيها و اكبر فكرتها
بس بعد الحريم كانوا ما يقصرون لدرجة اي شي احسه افسره عين
حسب ما كانوا يقولون
يعني على كل شي وربي حتى تسوس الاسنان يقولون ذي من علامات العين والحسد
وللأسف كنت اصدقهم 😭💔