باحثة عن أمل

بيانات اضافيه [ + ]

رقم العضوية : 54639  تاريخ التسجيل :  09 2016  أخر زيارة : 08-10-2016 (09:29 PM)  المشاركات : 28 [ + ]  التقييم :  10

لوني المفضل : Cadetblue

السلام عليكم ،
أخوي يارب انقذني ، إذا ممكن حابه آخذ رأيك في علاجاتي ، وايش تنصحني فيه ،،
اللي عندي بالبداية (قبل حوالي عام) كان نوبات هلع واكتئاب قريب من الشديد ، بالإضافة لـ آلآم بالجسم والعضلات وخمول ونوم ،
بالإضافة لسمات شخصية قلقة اجتماعياً ، وزاد هذا الموضوع مع الإكتئاب والهلع اللي جا ..
الطبيب وصف أدوية وغيّر في الجرعات لين ماوصلت إلى :
ويلبيوترين 300ملغ ، سيمبالتا 120ملغ ، اندرال 10ملغ ووقت الحاجة أيضاً ، تقريباً كان أفضل تحسّن بهاذي الجرعات خلال الشهور،
بالإضافة لمكمل فيتامين د اللي كان ناقص جداً عندي ورجع طبيعي الحمدلله ، وزاد التحسن الحمدلله بعد ارتفاعه ..

لكن مع الضغوط المستمرة يبدو صارت تجيني بعض النكسات ، صحيح مو قوية مثل البداية الحمدلله ،
لكنها مؤثرة عليّ ، مثلا ماعندي دافعية أسوي أي شي ، زهقانة من كل شي ، ومالي نفس أشوف الناس ولا أتكلم ،
لكن لما أضطر أطلع واندمج مثلاً مع زميلاتي عادي انبسط معهم ، لكن ارجع لوحدي ترجع حالتي ، بالإضافة لآلام بالصدر وكتمة وكثرة الخمول والنوم ..
مع العلم كل الفحوصات العضوية والتحاليل سليمة ..

قرأت في النت عن عشبة عُرف الأسد ، استخدمتها ، تحسنت شوي لكن بعد فترة رجعت للحالة السابقة ،
فضاعفت الجرعة منها ، تحسنت كم يوم وبعدين رجعت لنفس الحالة الحين ..

ربي يكتب لك الأجر والتوفيق في الدنيا والآخرة يارب ..