نفساني - عرض مشاركة واحدة

29-09-2016, 09:31 AM

يارب راحة البال~

‎السلام عليكم

‎ماادري كيف ابدى قصتي مع نوبة الهلع
‎جت فجاة وكان يوم جمعة اذكر بداية السنة اللي راحت بشهر واحد وأنا اتوضا لصلاة الفجر وبدون مقدمات دقات قلب سريعة وخوف وتنفسي مو مريح وقلت بس هذا الموت جاء زوجي من المسجد وجلست ابكي انا ماادري وشفيني بسرعه ودني المستشفى وكان طفلي عمره اربع شهور وحسيت اني خلاص ماراح اشوفه ثاني وديته لامي وكنت اقول خلاص بموت مكتومه وابكي واحضن امي رحت المستشفى وكل شىء كان طبيعي بس كانت نبضات قلبي سريعه ومن هنا ابتدت دوامه المستشفيات والمشايخ كل يوم اشكي من شىء وابكي من دون سبب كلن يقول شىء نقص فيتامين دال -فقر دم -ابهر -ارتجاع مريء
‎-حسد
‎ يعني بالعربي دخلت بدوامه وعجزت اعرف وشفيني والمشكلة اشكي لزوجي واهلي بس مااحس احد حاس فيني مجرد اني احكي وهم يقولوا نفس الكلام مافيك شىء طيبة وبخير استمريت على الرقية وشرب ماء مقري ودهان صحيح تخف الالام جسمي بس الخوف زاد عندي بشكل مخيف اخاف من كل شىء لو احد مات او قريت اي خبر عن مرض احد او موته ااخاف وابدا افكار سلبية ماتنقطع ماعاد احس باي شىء بالحياة ولااتلذذ بمتع الدنيا سفر سوق مطاعم كله خايفه واشعر اني بموت بكل لحظه واتخيل روحي تخرج اخاف من الاكل احس باختنق اخاف من النوم ومن اركب السياره تبدى الافكار بنسوي اللحين حادث واتخيل شكلي واتالم الى ان دخل رمضان وكنت احاول قد مااقدر اتناسى كل اللي فيني خايفه من الصيام حتى اخاف اشرق وانكتم وحلقي يجف واحتاج اشرب مويا وافطر الى ان جاء اليوم اللي حسيت اني خلاص احتضر وكان 27 رمضان كنت راكبه مع اخوي ابي غرض للعيد من محل كماليات وقدر الله وطاح اخوي بحفرة وانفقعت كفارات سيارته بعدها جلست ابكي وخايفه الحمدلله ماجانا شىء بس خلاص انا موقادره ابلع ريقي الخوف والتوتر الى ان شعرت بشعور اعجز عن وصفه شىء يتحرك ويجري بجسمي من اسفل قدمي الى صدري وبعدها تزداد نبضات قلبي ويجف حلقي وفمي شعور كل مااذكره اخاف وابكي كنت اوصي على ولدي وحزينه اني ماراح اعيش واشوفه كبير وافرح فيه استمرت النوبه ست ساعات تقريبا تروح وتجي وكنت بالطوارىء وقلبي نبضاته سريعه مره وتوقعوا عندي مشكلة في عملوا تخطيط واشعه وكان كل شىء سليم الحمدلله فقط صرفوا لي حبوب اندرال بعدها قررت اني اروح لطبيب نفسي ويمكن اللي صار انه خيره عشان اعرف وش فيني شخص حالتي الدكتور نوبة هلع صرف لي حبوب رياسترال وحولني لاخصايىة عشان جلسات العلاج السلوكي والمعرفي استفدت منها كثير الحمدلله لكن الى اليوم مااحس بفرق من ناحيه الخوف والافكار السلبية والالام صدري ورظهري وضيق النفس وغص الحلق وكان شىء واقف بحلقي هذا غير الصداع وثقل راسي والتنميل وبروده اطرافي لي ثلاث شهور اكل الحبوب وعندي امل اني اتشافى قريب واملي بربي كبير
‎سامحوني عالاطالة بس كنت محتاجه اشاركم اللي صار لي وان العافية إن دامت جهلت والحمدلله على كل حال 💔

المصدر: نفساني