نفساني - عرض مشاركة واحدة

30-09-2016, 09:59 AM

السلام عليكم ..

اولا انا ماعرفتكم الا قريب وسجلت بمنتداكم ويالله وبالضغط مني كتبت قصتي لكم ولا انا بالغالب ماتجرا اخبر احد اخاف ينقلب هالشي ضدي بس المرض غلب علي وهلكني وسبب لي مشاكل كثيره واضطررت استشيركم ، المهم أعاني من اكتئاب حاد وسواس قهري بالصلاه وغيرها من أمور ، واعاني ايضا من اشياء كثيره ماعرف اشرحها صعبه صعبه بالنسبه لي من بداء المرض معي صرت ماعرف اعبر أبد ماعرف ، اشعر اني بدون هدف وماعندي احساس ولا اهتمام ولا شي ولا شي حتى صرت اتصنع لناس عشان مايشرهون علي ، بصلاتي ماحس اني قريبه او شعور بالخشوع مدري المهم ماشعر بشي وصلاتي آه ي صلاتي صارت بس حركه اني اديت الواجب لاني اتعب بالصلاه والوسواس القهري مايخليني واشعر بكتمه وبتعب وبهبوط من كثر ماتحمس اصليها زين واشياء كثيره وغيرها ، لي تسع سنوات مع هالمرض وبداء يتطور من اول سنه ، المشكله انا من بلده وماعندنا مستشفيات نفسيه ولا قريبه منا ولا عندي سياره تقدر توديني ولا عندي مبلغ كافي أتعالج منه ، قبل شهر تشجعت واتصلت ع اللجنه الوطنيه لتعزيز الصحه النفسيه وشكيت لهم حالي والله ارتبكت وقلت نص مشكلتي المهم اتصلت علي دكتوره منهم وقالت كيف قاعده تسع سنوات كذا انتي تعرفين ان المرض كذا وكذا هذا لازم تروحي لطبيب نفسي حالك مايصلح المهم قلت لها ماقدر انا من بلده وماعندي احد يوديني قالتلي انتي لما بتمرضي بتروحي للمستشفى قلت ايه قالت خلاص تشجعي وروحي واذا قررتي اتصلي علي قلت خلاص وانا ماني مقتنعه هي اتصلت علي وانا توي قايمه وماعرفت أرد عليها واستفسر منها كثير وانا عارفه اني ماقدر اروح ندمت كثير وقعدت شهر كامل وتشجعت واتصلت عليها وماردت يقول ان الرقم اتصلت فيه خطا فضلا اتصل مره ثانيه واتصلت مره ثانيه وثالثه ورابعه وخامسه ونفس الشي يقولي هالكلام تعبت وانا احاول فيه المهم الحين انا وشسوي قربت الكليه وانا بحالي ذا ومابي مشاكل تصير زي كل سنه ابي حل ابي الراحه والامان والسعاده ابي أكون طبيعيه

المصدر: نفساني