المشاركة الأصلية كتبت بواسطة شوية تفاؤل

مع احترامي لك أختي قريت كل ردودك فيك كمية يأس غربية !!!!!
أحسني الظن بالله واعملي بالاسباب
وان شاء الله بتخف الدوخة معك باْذن الله
والله ثم والله حاسه فيك وموب لحالك تعانين عانينا اكثر منك الآلام جسدية لاتطاق

ومن ناحية الطبيب النفسي واكلك حبوب
صدقيني كنت مستبعده و رافضه فكره اني اكل حبوب اكتئاب او اروح لدكتور نفسي
كنت كل يوم أقول بااقوي نفسي وماراح احتاج للشىء هذا بس اكتشفت اني راح انهي نفسي وحياتي بيدي وصلت لمرحلة الانهيار
وتوكلت على الله واستخرت ورحت لدكتور وصرف لي
الحبوب أكلها لي اللحين ثلاث شهور الالام والله تخف بشكل ملحوظ عن قبل
بس افكارنا هي اللي ترجع الآلام عشان كذا مانحس بالتحسن على طول
وخلصت الحمدلله جلسات العلاج السلوكي والمعرفي مع أخصائية وعملت معي جلسات استرخاء وتمارين أسويها بالبيت
جدا استفدت منها

الله يشفي الجميع يارب ❤🌹