نفساني - عرض مشاركة واحدة

02-10-2016, 08:45 PM

اول شي يا نوايا انا اعرف محمد و رسوم قبلك و قبل اشوفك بالمنتدى متعوده عليهم و دايما بيننا عتب و نصايح و نمزح و ننكد على بعض من اخوه كانت لنا لمه حلوه و عشره هنا انتي على فكره مضخمه الموضوع انا كتبت الرد دا وكتبته لعالي فقط يعني شي يخصني انا وهو فقط لا قلت نوايا ولا عنيتك بشي انا كنت غايبه فتره عنهم رجعت لقيت الوضع مختلف حاجات كثيره متغيره و صدقيني انا ما تركت اليوميات لا عشانك ولا عشان محمد ولا عشان رسوم الكلام اللي اقتبستيه ردي القديم دا انا فاكرته و وجهته لرسوم فقط حتى محمد صاحب اليوميات قرأه ما تدخل فيه فلا تتدخلي في امور قد لا تعنيكي خاصه اني ما ذكرت اسمك و لا تتدخلي في نوايا الناس و تترجمي كلامهم لصالحك و بعدين فين رحت مكان تاني و جلست اتكلم اروح مواضيع الناس اللي تشتكي المرض و اعاتب ولا كتبت العتاب اللي بتقولي عليه في فضفضتي كل شي امام الجميع.
يا نوايا كثير حصل و تركت اليوميات لان اهلها هاجرينها
و رجعت لها لرجوعهم سواء كان في صندوق ولا مافي وهم عارفين هالكلام يعني يا بنت الناس اغيب و ارجع لهم وهم متعودين على حركاتي هذه وهذا شي يخصني كذلك
انا لا ازال ما كذبت اني ما قيد تحاورت معك الا الان و لا ذكرتك و لاكلمتك الله يهديكي و يصلحك الحمدلله لي سنين بالمنتدى و كلامي هو زي ماهو ما تغير و اسلوبي و ردودي ماحد قيد اشتكى و عمل من الحبه قبه ولا قيد احد تدخل بيني و بين اي عضو و عمل بلبله بهالشكل و وجه لي كلام بهالطريقه.
و على فكره انا ما اعرف مين اللي بيكتبوا بالصندوق لاني ضاغطه المربع حق اخفاؤه من زمان ما ادري مين يتكلم مع محمد و مين قلب محمد ذاك اليوم ولا مين زعله ولا ايش الموضوع انا ما اعرفك بسلامتك و حوارك مع محمد ولا مع غيره ليش يزعلني يعني انا ما اتدخل فيما لا يعنيني انا سبق و لمت على محمد انه تغير و غاب عن اليوميات لكنه عتب من معزه من اخوه من عشره بيننا ماهو تحكم زي ما كان يحسب ولا تدخل مني افتقدت وجوده ليس الا.
رجاء لا عاد تتحسسي من كلامي يا نوايا لكن حابه اقولك لو كنتي مكاني كان تضايقتي و كان بدر منك اللي ماحد يتوقعه على فكره مانتي محتاجه تتفنني في الكلام دامه صادق و من قلبك و زي ما تحسيه و في وجه حق بس المهم لما تزعلي من حاجه واجهي اكتبي رساله للمشرفه توصلها لي اكتبي ولا تخلي شي بخاطرك و حقك بيجيك بتاخذيه بالهدوء و الحكمه و الكلمه الطيبه بعيدا عن التجريح و اثاره المشاكل .
انا اعتذرت لك لسوء الفهم و رجاء لا عاد تقسمي اني اقصدك ولا قصدتك و لا تقسمي اني اعاتب و اعاتب و اعاتب و اتكلم في مكان تاني لانه كله غير صحيح بيتهيأ لك وفي ناس بتراقب كل شي بنكتبه و ملمين و شاملين الكل بفضل الله .
اذا حبيتي تسامحيني الخير و اهله و اذا لسه لازلتي تحسي بغثيان بشوفتي فيا ستي مسامحتك و ربي يسامحك لا عاد تقتبسي لي كلام و لا تحاوريني اشتكي الاداره و خذي حقك و قبل تاخذيه افهمي المكتوب و المقصود .
الحمدلله قلبي لا يحمل على احد مقدار شعره و لا اشيل بخاطري و الله يستر عليكي .
و يكفي بالله من جد تعبت الله المستعان.