|
يارب تساعوني حياتي بتنهار
ياجماعة مبدايا كدة من حوالي شهرين حصلتلي شرقة جامدة وانا نايمة وكنت حموت ونفسي اتقطع والحمد لله عدت علي خير بعدها بقا علي طول حصلتلي الحالة بتاعة احساس الموت او نوبات الهلع بقيت بحس اني بموت وكل الاعراض المعروفة دي ومكنتش فاهمة دة ايه لحد معرفت تقريبا خلال الشهرين دول حصلتلي النوبة تلت مرات طبعا مش ححكيلكو العذاب اللي بيحصلي لكن للاسف انا بقيت حتي الوقت العادي مبفكرش غير في الموت بقا عندي وسواس رهيب اي حاجة توجعني اقول دة انا عندي مرض خطير لو خرجت اقول اه يبقي حموت في حادثة بقيت بخاف اخرج واعمل اي حاجة طول الوقت قاعدة منتظرة الموت نفسي ارجع لحياتي الطبيعية تاني وكمان مع الحالة دي جالي ارتجاع مرئ مش عارفة بقا نفسي ولاعضوي انا باخد علاج للمعدة بتحسن شوية وبرجع اتعب تاني بحاول اتقرب من ربنا علي قد ماقدر النوبة ساعات بحس انها عايزة تيجي بس بقيت بحاول اسيطر عليها لكن مشكلتي الوسواس وللاسف محدش حيتقبل اني اروح لدكتور نفسي اتمني انكو تساعدوني ولو بكلمة واسفة عالاطالة
|