نفساني - عرض مشاركة واحدة

15-10-2016, 06:21 AM

اقتباس:

المشاركة الأصلية كتبت بواسطة منتضر الفرحه

مرحبا غيوم ان شالله انك بخير ذكرتي فرد ان مانفعتك ادويه الاكتىاب والي نفك مضادات الذهان
ابي اعرف اعراضك بضبط وشي والعلاج الي تستخدميه حاليا والله يشفيك ويشفي الجميع

هلا أخوي منتضر الفرحه

بدايته وانا في الثانيه عشر ماغص بالبطن مع خوف شديد وفي السابعه عشر ألم في الكتف الأيسر مااقدر انام ووسواس ان فيني مرض ويبدأ مع غروب الشمس
بعدين تعرضت لصدمات في حياتي كثيره وصرت ابكي مثل الطفل لااستطيع ان انام من الخوف
اخذت علاج مضاد اكتئاب وانا في الثالثه والعشرين وماعالجته سلوكي وقتها واستمريت عليه سنوات بعدين ادوية القلق

بعدين انتكست حاله غريبه كرهت البيت وصرت أمشي وأحس الدنيا متغيره زمن غير الزمن الي احنا فيه الناس قديمين ومنهم جديد
والسيارات قديمه وجديده وكأنه الزمن رجع فيني للخلف يعني بزمن غير زمنا

ولاانام وإن نمت اقوم علي اقل صوت واحلام غريبه كأني ابحث عن شئ ما واقوم مفزوعه وأنا لاأعرف اهلي او المكان الي انا فيه
لمدة دقيقه بعدين أصحي من شبه الغيبوبه مااعرف تفسيرها

وتطور الخوف عندي صرت أخاف من كل شي أماكن مغلقه الطياره مصاعد مرتفعات البحر زخام الناس البيوت المغلقه صرت مااقدر اروح للناس انحرج منهم كل هالخوف أعاق لي حياتي

رقيت عند راقين وقاست راسي معالجه قالت انه معاي خمس أصابع وصبخت عندها أربع او خمس مرات
ورحت راقي تعالجت عنده قال سحر وقاس لي راسي وربط عليه بقوه بعصا والمره الثانيه صبخت عنده وأعطاني اعشاب للبطن بس مااخذتها نفسيتي ماتستحمل هالادويه

بعدين استمريت علي ادوية مضادات القلق بعدين انتكست تطور المرض صرت أسمع أصوات تكلمني واحيانا من الاجهزه وانه احد يتصنت علينا
ويترصد لي وان الي بالتلفزيون يتكلمون عني وأشوف أشياء تكلمني شفت من أهلي يكلموني بالواقع وانا محد كلمني منهم وانا صاحيه بس كأني مغمي علي
وشي يقولي اني مالي داعي بالدنيا ولازم أنهي حياتي بكل راحه واخذت ادوية الذهان تحسنت حالتي والأفكار راحت بس ألم المفاصل والعظام من اعراضها

الآن ضيقه في الصدر حزن وكآبه فقدت الدافعيه للحياه مافيه شي أعيش عشانه وأحيانا مايجيني النوم مهدئات القلق ماعاد تجيب نتيجه معاي مالها مفعول وادوية الاكتئاب
مااستفيد منها شي حتي لو اصبر عليها شهرين ماتجيب نتيجه صرت اخذ مضادات الذهان لأن اعراض الذهان اختفت وأقدر انام وشي من الهدوء النفسي بس لها اعراض

أخذت ادويه كثيره بس بلا نتيجه وعلاجي الآن من شهر أفكسور و ريميرون وسيردولكت بس السيردولكت وقفته لأنه تعبت منه
مع إن ريميرون اخذته قبل سنتين وسبب لي هوس مدري منه او لا والحين خمول كسل بس ابي انام آلام بالجسم
والله يشفينا وياك ويشفي مرضي المسلمين الله المستعان