السلام عليكم
صباح الخير على الجميع
وضعي اليوم مزري , طفش ملل زهق . اجلس اسال نفسي انا ليش موجود بـ هالحياة ؟ ودي اموت و اترك هالحياة الممله . اعتبرها عبء كبير ودي اتخلص منه
عجزت اتأقلم مع الحياة . التفكير بالمستقبل ووش راح اسوي يتعبني بالحيل . دائما اسأل نفسي و اقول اصدقائي كلهم توظفو وبعضهم على وشك الزواج
وانا ما اقدر اتوظف ولا اتزوج .. ثم ابدا اقول خلاص اذا وصل لـ سنة معين من عمري راح انتحر لاني مستحيل ابقى طول عمري كذا لاوظيفة ولا زواج
الناس راح تضحك علي و تقول هذا نفسية . و بالمناسبة كلمة [ نفسية ] صرت اسمعها كثير . والله العيشة بـ هالحياه صارت هم ما يعلم فيه الا الله
يازين الموت بس .. انشهد بالله انه راحة بال من هالدنيا الكئيبة و المتعبه
اقسم بالله لاجلست افكر بالماضي اجلس ابكي .. زمان كنت شاطر بالمدرسة وعندي سرعة بديهه و ياكثر ما احصل حل لـ كثير من المشاكل الي تحصل
لي و لـ اخوياي . لكن الان انا عاجز عن التفكير و التركيز .. لو احد يجيب لي مسألة رياضية صعب جدأ اجاوب بسرعة مثل السابق . عندي بطء
في الاستيعاب و التركيز .. للاسف اني وصلت لـ مرحلة جدأ مزري . احس اني مشتت و مخي مقفل ماعاد اقدر اركز .. يعلم الله مرات لاجيت
اسوق السيارة امشي كم كيلو ولا احس بـ نفسي نهائيا و فجأة انصدم و اقول معقولة انا قطعت هذي المسافة ولا حسيت بـ نفسي ؟؟