|
أحتاج ارشادكم ، الله يرفع عني وعنكم كل ابتلاء .
السلام عليكم ورحمة الله وبركاته
اخواني محتاج مشورتكم عافاني الله من الرهاب واياكم :
مشكلتي هي الأعراض الجسدية عند الوقوف أمام جمهور يصل احيانا ل 40 شخص أكون محضر العرض والمحتوى وأعمل تدريب مع نفسي على العرض بمجرد ماأدخل القاعة وأوقف قدام الناس جسمي ينتفض ارتعاش أقوى درجة وضربات قلب قوية أنسى كل الكلام الي حضرته أحس اني شوي وانصرع اعراض متعبة الله لا يوريكم
صرت دائما اتغيب اذا عندي برزنتيشن ونقصت من درجاتي كثير بسبب هالتهرب ..
العام الماضي ذهبت الى طبيب نفسي واقترح لي دواء "اندرال 10 ملجم" اخذ حبتين قبل البرزنتيشن بساعتين وكان معي جداً ممتاز وصرت اتكلم قدام الجمهور بثقة بدون ارتعاش ولا ارتباك ..
هذي السنة انقطع الاندرال من الصيدليات ومسمياته الأخرى مثل انديكاردين وبروبرانول رجعت للطبيب وكلمته عن الموضوع قالي للأسف الاندرال مقطوع حالياً .
الاسبوع القادم عندي برزنتيشن امام جمهور وشايل همه صباح ومساء مدري وين اروح واذا مالقيت الاندرال افكر اني اتغيب بس كذا راح تزيد حالتي سوء والوضع الدراسي ايضا
أنا حاليا اخر سنة بالجامعة واحتاج الاندرال لأوقات المناقشة
اذا فيه علاج بديل للاندرال موجود بصيدليات الرياض اتمنى تدلوني عليه الله يفرج هموووومكم .
|