المشاركة الأصلية كتبت بواسطة انعكاسات

يا عزيزتي انا مثلك
لأني ماعرف وش السبب اللي انا فيه
كثير اقرا واسمع ان الخوف والقلق اساسها الاصابه بالعين
بس الاطباء يقولون لي هي اشياء طبيعيه تحصل
اللي هي نوبات الهلع والقلق النفسي وغيره
انا كنت اقول اللي فيني نقص حاد بفيتامين د وفعلا هو كان ناقص
بس لما صرت اسمع سوالف العين والحسد والمس من قريباتي وصديقاتي
تغيرت فكرتي انو لا اللي فيني عين او حسد !
سمعت رقيه و البقره و كذا بس مايروح اللي فيني
ترجع لي الاعراض و البعض كانوا يخوفوني انو اللي فيني ممكن يكون اقوى
فصرت مشتته بين اعراض العين و القلق النفسي
وصار عندي خووووف شديد منها لدرجة الوسوسه😪
واكيد البعض يتذكر مواضيعي عنها
صرت ما اكشخ ما اصور ما اعلم احد عن اموري صرت اتعمد ابهذل شكلي عشان ما ألفت نظر احد
والزواجات والمناسبات هذي خوووف عندي اجلس اسمي طول الوقت بحكم ان هي اكثر الاماكن تقع فيها العين 😓
ولما اجي اشوف ناس عندهم نقص فيتامينات مثلي يمارسون حياتهم طبيعي
وناس فيهم عين وحسد واعراضهم مثلي وبعد يمارسون حياتهم طبيعي!
و معالجي يضحك علي ان اعراضي مالها علاقه بالعين والحسد!
ماعندي رد واضح للأمانه لأني مشتته بين الاسباب