نفساني - عرض مشاركة واحدة

23-10-2016, 08:38 PM

السلام عليكم ورحمه الله وبركاته ..

اهني نفسي بالإنضمام الي منتداكم المفيد والرائع وان شاء الله يكون لي بصمة وأثر .. ولو بسيطة ..

حبيت انقل لكم تجربتي في احد مراكز الإستشارات بمدينة جدة بعد ان قررت لأول مرة اخذ موعد عند مستشار نفسي أو دكتور نفسي بغض النظر عن المسمى وهذا بعد نصيحة صديقتي وماراح أدخل بتفاصيل مشكلتي ولكن لكم النتيجة ..

في البداية اخذت رقم السكرتيرة وتواصلت معاها وتوقعت انه يكون اقرب موعد بعد اسبوعين ..

خاصة ان المستشار هو الدكتور عبدالله هادي وحسب ماعرفت انه صاحب خبرة 25 سنة بالإستشارات والتدريب ..

وردت علي السكرتيرة انه اقرب موعد بعد يومين وهذا من حظي ..

وبالفعل رحت الموعد وكانت العيادة جدا فخمة وفيها طاقة إيجابية ..

ودخلت على الدكتور وكان قمة بالعلم والأدب وبصررراحة كان دقيق باسئلته..

والأسئلة بحد ذاتها خلتني ابدأ استوعب سبب المشكلة وبعدها اعطاني خطوات واضحة وشدد اني التزم فيها وموعد مراجعة على اساس يشخص حالتي بعد استمراري عليها ..

وهذه تختلف من حاله لحالة حسب م اتوقع وطلبت منه يوصفلي علاج ورفض بشدة استخدام اي علاج كيميائي (على كلامه) سوء منومه او حبوب اكتئاب او اي حبوب ..

وللأمانة حسيت بالتغييرر وفرق معاي لاني بعدها صرت ابحث عن السعادة والراحة وحطيت عهد على نفسي انه سواء في مشكلة او مافي مشكلة لازم اروح كل فتره عشان ارفع الطاقة الايجابية واقدر اسميها حب الحياه والانجاز والرضا عن النفس ..

ما اعرف هو مسموح لي اعطي رقم العيادة لكن في حال طلبكم للرقم انا حاضرة والدال على الخير كفاعله واسم العيادة او المركز ( مركز الدكتور عبدالله هادي للإستشارات ) ..

ايوا صح في كمان مستشارات لكن للأمانة كانت مراجعتي مع الدكتور فقط فما اقدر احكم عليهم ..

وانهي كلامي بعبارة كانت موجودة بالعيادة وعجبتني مره وما راح انساها >
( السعادة قرار والبؤس إختيار ) ??

والسلام عليكم

المصدر: نفساني