|
ارجووكم ساعدوونى انا مريضه بمرض عضوى ولا نفسى؟؟
ارجوكم ساعدونى انا فعلا حياتى اتدمرت
المشكله بدات من يوم ما جالى العصب السابع وهو غباره عن شلل فى الوجه وذهبت للطبيب قالى مش هياخد وقت وهيخف وفعلا بعد اسبوعين بالظبط رجعت زى الاول وخفيت مشكلتى بدات عندما بحثت على الانترنت عنه وعلمت انه ممكن ييجى بسبب ورم فى المخ وقتها انهارت وقلت اكيد عندى ورم ولكن شفيت منه تماما بعد اسبوعين ولكن بقى الهاجس يهاجمنى ومازلت افكر انى عندى ورم بعدها حلمت ان جالى المرض الخبيث فى المخ وبدات افكر فى الامر كثيراا جدا وبقى شغلى الشاغل ليل ونهار وانهارت اكثر عندما وجدت ان معظم اعراضه عندى واشدها الصداع لان الصداع داايما عندى ولكن انا اعانى من الصداع من اكثر من 6 سنوات ولكن بدات اشعر بدوخه واصبحت ليل نهار افكر ان عندى ورم فى المخ واتفحص كل راسى واوقات اجد تورمات واكتشف انها حبوب واوقتت اجد تورماات واكتشف انها بسبب خبطه اصبحت ليل ونهار ابحث عن تورمات والصدااع يزيد ومايروح لدرجة ان فروة راسى اصبحت تؤلمنى كثيرا
ذهبت لدكتور مخ واعصاب قال ان الصداع الى عندى توترى بسبب انقباضات عضليه واستبعد تماما وجود ورم
بعدها ذهبت لدكتور انف واذن قال ايضا ان عندى انقباضات فى عضلات الفك وتيبس فى الرقبه وعندى جيوب انفيه وان هذا ما يسبب الصداع ولكنى ما اقتنعت
ذهبت لدكتور مخ واعصاب مره اخرى قال اعملى تحاليل واشعه وعملت تحاليل ولسه باقى الاشعه ولكن انا متدمره نفسيا تماما اصبحت متاكده ان نتيجة الاشعه هتكون فيها ورم انا على الوضع ده بقالى 4 شهور حياتى تدمرت اصبحت اهمل نفسى واهمل الدراسه وشكلى تغير تماما واصبح وحش وكرهت كل الحياه وخلاص بتعامل مع اى حاجه على انى خلاص هموت حتى بقيت اكره اشترى ملابس او اى شى واقول ليه اشترى انا خلاص بموت وبقيت منعزله تماما وكرهت كل الناس
هل ما اشعر به مرض نفسى ام فعلا انا مريضه وهناك احتماليه وجود ورم وجزاك الله كل خير
|