نفساني - عرض مشاركة واحدة

28-10-2016, 08:12 PM

الظاهر انتي أو شخص اخر ما اتذكر نفس وضعي .. اللي دخل لعالم الامراض بسبّة العم قوقل الله يسامحه.. ما علينا

اسمعي يا بنت الاجواد.. اول شيء شيلي من مخك السحر والحوسة هذي لانك مو مسحورة ولا شيء.. اذا فكرتي بالسحر وما سحر راح تتعبين أكثر لانه بيدخلج بافكار وخراط وزحمة لا حصر لها

ثاني شي.. سالفة انك بتظلين طول عمرك كذا.. لا انشالله ما بتظلين طول عمرج كذا والعلاج انشالله موجود لكنه مو سهل ومتعب جدا جدا لانه مجاهدةxمجاهدة.. انا ما اقولك كذا عشان اريحك وبس ماعرفك ولا تعرفيني ولا فيه اي مصلحة من الطبطبة.. لكن هذي الحقيقة العلاج موجود.. سالفة انه لقيتيه او لا هذا شيء ثاني

جربتي الدواء بما فيه الكفاية، الان جاء دور المعرفي السلوكي

انا مثلك.. دخلت قوقل عشان الآم في بطني وقريت حاجات تفجع وصحيت الصباح لقيت القلق والإكتئاب مسويلي فطور اثنينتهم هههههههه . تطور الامر لما وصلت للإكتئاب الجسيم اللي اصبحت فيه نصف ميّت والحمدالله عدت على خير

الآن استخدم رميرون حق النوم فقطط ولا علاج اخر.. لان النوم عندي مشاكل فيه حتى قبل الاكتئاب وما احس اني مستعد انه اقطعه... الباقي: علااج سلووووكي يعتمد بشكل رئيسي بالتطنيش والإلتهاء قد ما اقدر واشغال المخ عن التفكير لأن لاحظت على نفسي لا صرت لحالي واشتغل التفكير يضيق صدري وتحتاس الدنيا.. الان امور الحمدالله ماشية، ما اقول 100٪‏ لكن الحمدالله ماشية مرة 100٪‏ ومرة 80٪‏ ومرة70 وهكذا

ابيك تمسكين ورقة وقلم وتكتبين قصتج كيف وقعتي بالمرض اول شيء وحاولي ترتبين الأحداث والأفكار بحيث تتوصلين للصفات او العلّات بتفكيرك وتشتغلين عليها حتى تغيرينها.. الإكتئاب والقلق أعراض وليست أمراض.. المرض الاساسي هو (شيء ما) بشخصياتنا وافكارنا..
ولا تستهينين ابد بالانترنت.. تراه يودي في داهية.. والله اني ما امزح.. البحث عن الامراض وقراءة القصص المرضى تفجع وتبدأ تشتغل الوسوسة والإيحاء (انا ما راح اتشافى.. لاني قريت لفلان وفلان وفلان طول عمرهم يتعذبون وسوو كل شي وما تشافوا.. وانا زيهم)

عاد يبقى كيف طريقة تغيير المفاهيم الخاطئة اللي تنتج مشاعر سيئة ثم سلوك خاطئ؟ هذي عاد مشكلة كبيرة لان معالجين السلوكين عندنا اغلبهم خرااااط في خراط حتى المشاهير منهم.. انا انصحج تاخذين من النت بالانجليزي لو عندك لغة .. اجتهدي في هذا حتى تلقين الطريقة المناسبة والفاعلة

ماتشوفين شر انشالله