نفساني - عرض مشاركة واحدة

31-10-2016, 09:59 AM

اخي الغاضب اقولك شئ ...
انا يمكن كنت زمان هادئة جدااااااا ومش بنفعل ولا اتعصب خالص
بس من كتر الضغوط و مواجهه انواع غريبة من البشر بقيت كالاتي :
اولا حد يعمل معايا موقف صعب يعني ممكن منطقش بكلمة نهائي وافضل هادئة بس السيناريو الي في دماغي اني اقوم اكسر في الدنيا كلها بس طبعا في الواقع بحافظ علي هدوئي جداا
ثانيا ممكن حد يعمل معايا موقف مش صعب للدرجة وفجأة اقوم اصرخ وانفعل وده غالبا بيحصل مع اطفالي ( نتيجة لتفريغ مواقف صعبة عدت )
بالتالي هنا المشكلة اننا بنسكت في مواقف مفروض اننا نناقش فيها ونأخد حقوقنا ( مش بقولك اننا نصرخ مثلا او نكسر ) لا بتكلم بالتفاهم مش نسكت خالص
يعني مثلا .. لو واحد شغال والمدير اتعصب عليه هيسكت وهيبان انه عادي لكن جواه بيغلي بس ممكن يروح علي صديق له او اي حد من اسرته وينفعل لسبب تافه جداااا
فخلاصة الكلام ... انت لما تنفعل علي شئ تافه ده معناه انك استحملت شئ صعب ومش ظهر عليك اي علامات من المقاومة
وفي شئ كمان بقيت اعمله لما حد يعصبتي افتكر الاية دي {وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ} [آل عمران:133].
كل ما اتعصب اردد والكاظمين الغيط ... جربها هتنجح معاك ان شاء الله