ذكررى

بيانات اضافيه [ + ]

رقم العضوية : 54689  تاريخ التسجيل :  10 2016  أخر زيارة : 05-12-2016 (12:27 AM)  المشاركات : 19 [ + ]  التقييم :  10  الدولهـ  الجنس ~

لوني المفضل : Lightpink

القصص والتجارب تطمئن الواحد أنه مافي شيء يستدعي الخوف وهي مجرد حالة نفسية توصل لذروتها وتخف.
بس سبحان الله ابن آدم ضعيف بمجرد ماتجيه النوبة يضيع ويفقد السيطرة ويخاف ولا يعرف ايش يسوي
ومهما حاول يضبط نفسه ومخاوفه مايقدر حتى وهو عارف انها شيء نفسي ياخذ فترة ويخف .

أنا أول ماجتني عانيت مثلكم مارح اسرد الاعراض والتفاصيل واكرر كلامكم
لكن ماكنت اعرف انه نوبة هلع ولا اعرف ان في حالة نفسية تسوي كل ذا
فكان خوفي وضياعي اشد من اللي عارف وضعه، وخصوصاً وقت النوم لاني اختلي بنفسي ويبدأ تركيزي بجسدي وضيق تنفسي ودقات قلبي ويزيد الخوف والتفكير بالموت
لدرجة كرهت النوم والى يومكم هذا اكرهه واخاف منه واتوتر جتني ردة فعل سيئة من هالتجربة ، ولا اقدر اتجرأ احرب شيء جديد او امارس الحياة بشكل طبيعي اخاف من النتائج او زي مايقولون الخوف من المستقبل
اتجنب الخوض في اي حوار ونقاش لان ماصرت اركز زين واستيعابي صار بطيء بالتالي ماعندي القدرة اتكلم بشكل واضح وافكاري مشتتة وغير مترابطة اجمع فكرتين او ثلاث في جملة لدرجة أنا اضيع قبل المستمع
اتمنى اتمنى اتمنى استرجع نفسي القديمة
الله كريم وهو على كل شيء قدير
الواحد يحتسب الاجر في الصبر على هذا الابتلاء ماتدرون يمكن الله جعلها تكفير لذنوبنا
أو ابتلانا بهذا عشان نتقرب اليه اكثر ونلجأ له في السراء والضراء ونراقبه في افعالنا واقوالنا