نفساني - عرض مشاركة واحدة

19-11-2016, 01:24 PM

اقتباس:

المشاركة الأصلية كتبت بواسطة وردة البيلسان

انا بعد اقوم اتحرك وايد وقت النوبه احاول اهدي نفسي بنفسي بس جدا صعب

التغيير في النوبه ما هو الا اقناع للنفس ان دي نوبه هلع شديده وانك بتتحركي عشان هي تزول لكن لكن لكن كل ما تتحركي كل ما هي تشد لسبب بسيط انك لما بتتحركي بتقولي في نفسك لسه ما راحتش ويزيد القلق والهلع وكل ما تغيري المكان بداعي انها تروح مش بتروح لكن وجودك في نفس المكان في النوبه بيقللها تماما لأنها بتختفي بعد دقائق اصلا ثم مش هقولك انسي وطنشي لان الاعراض والكلام اللي فيها مش هتعرفي تنسي وتطنشي لكن بقاءك في نفس المكان والاستمرار بفعل ما تفعليه أكبر حل لكسرها في دقائق معدوده مره ثم مره ثم مره وجسمك هيتعود تلقائي ويعالج نفسه بنفسه منها ولا تهملي الجانب الدوائي لانه مساعد كبير جدا جدا على الاستقرار النفسي للحاله لأنها اساسا لخبطه في كيمياء المخ والدواء بيساعد على الاستقرار
أي واحد بقي يفتي ويقولك العلاج ضرر العلاج خطر العلاج مش عارف ايه ما تبصيش له العلاج أحد أسباب اختفاء الحاله العلاج مش مهديء ولا مركز للحاله العلاج عباره عن شطرين شطر اقراص مهديئه ودي فتره معينه فقط والشطر التاني هو العلاج الدوائي الاساسي زي السيروكسات السيبرالكس الانفرانيل البروزاك وغيرها من عشرات الادويه المتوفره بدون معاناه وده في حد ذاته بيحدده الطبيب نوع العلاج المتوافق مع الحاله وبدون ادني خوف تاخدي العلاج واللي ميجيبش نتيجه هناك عشرات الادويه بتجيب نتيجه وفعاليه ونسبه شفاء تامه
الهلع من الامراض النفسيه اللي تم السيطره عليها والحمد لله
الهلع رغم قوته وشدته في النوبة الا انه لا يسبب أي ضرر جسمي لا يوجد مريض هلع تحولت حالته لمرض عضوي والحمد لله لا يوجد مريض مات من الهلع لان الهلع يوميا احنا بنمر بيه طبيعيا في حالات ومواقف كتيره منها موت عزيز لا اراكم الله مكروها في عزيز لديكم ومنها حالات توتر للامتحانات مثلا او في وظيفه مثلا الهلع بنمر بيه يوميا بصور مختلفه جدا جدا جدا ولكن الفارق بين الهلع اللي بنمر بيه يوميا والهلع المرضي هو اننا في الحاله المرضيه مش بيكون فيه سبب معين زي حالات الهلع العاديه اللي بنمر بيها بالتالي المخ بيبدأ في معرفه سبب الهلع بدون جدوي لانها لخبطه بسيطه في كيمياء المخ في النواقل العصبيه ولما بناخد العلاج بتختفي تماما بدون ادني مشكلات والحمد لله
العلاج احنا مأمورين بيه الرسول عليه الصلاه والسلام أمرنا بالتداوي والعلاج واحنا مازلنا بنعمل من التعب النفسي عيب

خدي بنصيحتي ليكي أنا تعبت وجالي هلع واعراضه شديدة جدا جدا ولما أخذت علاج تحسنت بنسبة تفوق 150% والحمد لله أي أصبحت حياتي افضل ومارست الرياضه ومبقتش أخاف حتي لو داهمتني نوبة هلع الوقتي بفضل زا ما أناوالحمد لله تختفي لأن وقتها تفكيري بيقول انها نوبة هلع وبخلي عقلي يقتنع انها نوبة هلع وانها مش خطيره نهائي وبفضل مستحمل مثلا بعض الاعراض اللي فيها ومن ثم تختفي بعد فترات ولما النوبة بتختفي مش هتيجي تاني شديده وحتي جسمك هياخد عليها ويتعود عليها لدرجه انك هتدوري عليها ومش هتلاقيها وأتحدي
اطمنوا يا جماعه الامور تحت السيطره وبسيطه ابسط مما تتخيلوا