نفساني - عرض مشاركة واحدة - معلومه حقيقيه مهمه عن الهلع من الاخر كده حتي لا تختلط عليكم الامور

27-11-2016, 08:50 PM

اقتباس:

المشاركة الأصلية كتبت بواسطة راجية الشفاء

موضوعك رائع جدا اخي زمالك،بارك الله فيك.
لكن لدي سؤال شاغلني كثيرا، مادمنا نعرف ان النوبات ليست خطيرة فلم منا من يجلس سنين طويلة على الدواء وقد يكون طول العمر، بما انه نستطيع السيطرة على النوبات بدون دواء، والى متى سنبقى واتكلم عن نفسي نراقب ونهدئ بانفسنا وكاننا نترصد عدو سيهاجمنا في اي وقت ألن نعود كالسابق ونكون مثل الاشخاص الطبيعين بدون ترقب وخوف طول الوقت حتى مع الدواء،؟ انا عانيت منذ سنوات من النوبات والانتكاسات على الرغم من معرفتي لكل مايخص القلق والهلع ولكن لازلت اخاف من النوبات وعودتها والترقب والحياة الصعبة معها.
اسفة للاطالة وجزاك الله خيرا.

سؤال في الصميم لأن أنا واحد من الناس سالت نفسي نفس السؤال لما فتر العلاج عندي بالسيروكسات سي ار وصلت سنتين ونصف مع اني اتحسنت بعد 3 شهور من العلاج بنسبه تحسن 100% مع اني كنت بشكو من كل الاعراض اللي تتخيلوها للهلع
موضوع المراقبه الصراحه هيفضل فتره كل واحد بيقعد يراقب نفسه ما بعد مرحله الهلع ولكن مش هيكون ليها اي تأثير يذكر لان العلاج ادي مفعوله الحياه استمرت والامور طبيعيه بالتالي مع الوقت المواضيع دي هتختفي أنا واحد من الناس كنت بلعب كورة مع انها عشقي ولكن لما اصابني الهلع وكنت العب واقاوم كنت براقب قلبي وكنت بخاف قلبي يدق جامد واسيب المباراه واطلع بره مع الوقت بالممارسه والمراقبه ايضا تحكمت في الامر واصبح طبيعي وبقيت العب واراقب وفي نفس الوقت ولا تأثير للمراقبه حتي اختفي موضوع مراقبتي لجسمي وبقيت أقول في نفسي ايه يعني هيحصل ولا اي شيء عادي عادي
موضوع قطع العلاج محتاج حاجتين
1 - ابدأ بقطع العلاج دون خوف
2 - اصبر على الاعراض الانسحابيه
مع العلم ما نرجعش للعلاج في فتره سحبه الا للضرورة القصوي الا عند الانتكاسه الشديده أوي وده معناه ان فتره العلاج لازم تمتد شوية
ولكن هي غريزه جوه الانسان اوتعتبر بمعني اصح نوع من الاطمئنان ان الاستمراريه على العلاج معناها عدم عوده الاعراض وده في حد ذاته غلط انا لما انتابتني النوبات واتعالجت وقطعت العلاج ايه حصل مكثت سنه كامله بدون اي علاج وعايش طبيعي ولما انفعلت انفعال شديد قوي ورجعتلي النوبات وبشكل قوي عملت ايه اخدت العلاج فتره تلات شهور واستمررت على الجرعه المعتاده للدواء وبعدين بسحب العلاج ووصل الجرعه معايا الي حبه واحده كل ثلاث ايام يعني في الاسبوع الكامل باخد حبتين سيروكسات سي ار 25
وهي جرعه لا تذكر ولكنها كافيه لمنع الاثر الانسحابي بالتدريج مع تحمل بعض الاعراض في السحب ومن ثم ايقاف العلاج
أي ان الامر أشبه بنزلة برد لما نحتاج العلاج نرجعله ولما الامور تبقي تمام بنسيبه
موضوع دق القلب موضوع اتكلمنا فيه كتير دق القلب سببه القلق وده مش هيضر على فكره لأن القلب مصمم على انه يتحمل دقات قد تصل الى 200 دقه في الدقيقه سبحان الله اسألوا الرياضيين عن دق القلب في المجهود سواء كره قدم او اي رياضه موضوع طبيعي
ومادام القلب ليس به اي مشكله نهائيا فلم الخوف والقلق من اصابه القلب بأي شيء كان لا قدر الله
مع العلم ان هناك من يربط ارتخاء اوتار القلب بالغضب أو القلق النفسي وهو امر لا اساس له من الصحه على الاطلاق فهذه الالتهابات قرأت انها بسبب عدوي بكتيريه والتهابات ولا علاقه لها من قريب ولا من بعيد مطلقا بالقلق والهلع وكذلك النوبات وغيرها
مادامت فحوصات القلب سليمه يبقي مفيش أي مشكله
على فكره هتراقبي قلبك وتقولي هو هادي ليه وشوية هو بيدق بسرعه القلب يدق وينبض تبعا للجسم في القلق طبيعي يدق لضخ الدم في حالات الخوف وفي حاله الهدوء والاسترخاء سيكون الدق طبيعيا وبهدوء
ولا مشكله
اذن المشكله هي في المراقبه فقط لا غير
اطمئني تماما وعيشي حياتك الامور تحت السيطره العيب في مجتمعاتنا مش اكتر ولا اقل وكذلك التوجيه النفسي الصحيح عندنا منعدم الا من رحم ربي

تائه ، معجب بهذا