نفساني - عرض مشاركة واحدة

01-12-2016, 10:23 AM

اقتباس:

المشاركة الأصلية كتبت بواسطة تائه ،

ي حبيبيي زمانك أسلوبك راقي ، وجميل وأهنيك ع ثقافتك ..والله ينفع فيك ويكتب أجرك ،
بالنسبة للجرعة أنا أخذ دواء واحد بس ، الي هو الزيلاكس ، كيف أخذ بروزاك ؟ يعني أفهم ماينفع أقطعه لحالة ، تدرجياً ..؟ أنا تعبت من أعراضة ، شيء ممل والله أجلس بقلقي وتعبي لكن أبقئ بدون صداع وةتعب وخفقان وأنام كويس عادي
أنا أحس أنسي تعقدت من الادوية ، نفسيتي تعبت منها باعيش بدونها ..!
بالنسبة للادوية هو كتب لي ، هذا الدواء وحسب ماقريت أنه مضاد للاكتئاب ؟
كيف يعالج القلق طيب ؟ ماعندي أكتئاب أنا بس شوية وسواس ع حبتين قلق ..

يا باشا انت اساس ما اخدتش علاج عشان تقول ازاي اعالجه انت بتقول اخدت دواء عشر ايام وده مش علاج انا حاسس بيك وعارف قد ايه انت بتعاني وقله النوم والتعب والقلق والوسواس وكذلك الاعراض اللي بتجيلك وحجم المعاناه اللي بتعاني منها انا جربتها بشده ومع ذلك بفضل الله الامور تحسنت تماما وبدون مشكلات تذكر فانت عليك انك لازم تاخد جرعه علاج وتحط حد للمعاناه
العلاج لا يبدأ تأثيره الا بعد مرور شهر ونصف الى شهرين ويبدأ بعدها ظهور علامات الفعاليه للدواء وبالتحديد من أول شهر هتحس بتحسن في الحاله بشكل كبير واستمرارك على العلاج لنهايه الكورس بيكون أمر حتمي مش بمجرد التحسن تسيبه
النقطه التانيه ان هناك عشرات الادويه وانك ممكن تسيب الدواء الزيلاكس وتاخد بديل زي البروزاك ومعاه مهديء لمده شهر وأكرر مهديء لمده شهر عشان المهديء هيخفف الاعراض اللي بتجيلك دي لغايه ما العلاج يبدأ يشتغل وقتها تسحب المهديء تدريجيا لما بنقول المهديء يسبب ادمان ده في حاله اذا تعاطيته لفتره 6 شهور مثلا انما شهر او شهرين مش ادمان ولا اي مشكلات تذكر
لكن انت لازم تاخد دواء هناك ادويه
السيروكسات سي ار
الانفرانيل
البروزاك
الفافرين
سيبرالكس
زولفت
وهناك مهدئات مثل
الزاناكس
الكالميبام
الزولام
اللكسوتانيل وهو محسن ايضا للنوم

اما كنصيحه مني هذه الادويه خذها نهارا ولا تأخذها ليلا عشان تقدر تنام بشكل كويس لأن الادويه دي بتخليك مصحصح وفايق مش بتساعد على النوم اصلا لكن المهدئات هي اللي بتساعد على النوم بالتالي حتي الشركات المصنعه تنصح بأخذ الدواء نهارا وهذه الادويه لا يشترط معها الاكل يعني تاخدها قبل الاكل او بعد الاكل مش فارقه
ولكن انتبه الادويه بتخليك تاكل كتير وخصوصا سكريات لأنها بتأثر علي أماكن الشهيه في المخ بالتالي حاول في خلال الاربع شهور الاولي السيطره على شهيتك شوية عشان وزنك ما يزيدش وبعدها الامور تمام لأن فتح الشهيه بتاع الادويه بيخليك تاكل كتير
وممارسه الرياضه مع العلاج مهمه هتسيطر على وزنك ودي نقطه غايبه عن ناس كتير وأهملت فيها ويشتكوا من ان الدواء بيزود الوزن لأنك ما اتبعتش الاجراء الصحيح في السيطره عليه
واستبدل السكريات الكتير بفاكهه زي الموز والخوخ وكده
وقتها هتعيش حياتك زي الفل وما تقلقش نهائي كل اللي بتعاني منه شفناه انا شفت كتير شفت تعب أحيانا اقول انا اشد الانسان تعب في الهلع اللي كان جاني ولكن قرأت اعراض ناس كتير وجدت الاعراض كلها متشابهه الى حد كبير بين الناس المصابين بالهلع

بالتالي