انا القصة بدت معي وانا صغير
يعلمني ابوي و امي و اقارب بالي صار لي وانا صغير . وقتها كان عمري سنتين تقريبا وكنت ما شاء الله شخص جميل جدأ
و في احد المناسبات دخلت عليهم وكان فيه 4 اشخاص [ كبار بالسن ] قالو من هو هذا ولد المصرية ؟ وهذا الكلام الظهر
ويوم جاء بالليل وانواع الصياح و ودوني لـ اكثر من مستشفى وكلهم يقولون مافيني شي لكن الصياح ما وقف الا بعد 3 ايام
كنت اصيح لين انام ولا اول ما اصحى اجلس اصيح . وعلى هالحاله لين مرت الـ 3 ايام . وقتها طلع نمش في وجهي
و اذكر يوم كان عمري 10 سنوات تقريبا . مافيه مستشفى الا ورحت له ولا فيه راقي شرعي الا ورحت له . لكن ما الله كتب
المهم يوم كبرت جلست اكره نفسي بسبب شكلي . برغم ان الي حولي يقولون ان شكلك عادي . لكن موب مقتنع
المهم بـ سبب هالشي تمكن مني الاكتئاب . من يومها وانا اكثر حضور المناسبات و احب اكون لوحدي دائما
بـ اختصار حياتي ما عشتها نهائيا الا ايام محدود خلال الـ 28 سنة وهي فترة وجودي في هذي الحياة الكئيبة