اقتباس:
المشاركة الأصلية كتبت بواسطة محمد البراهيم
النصر تعادل اليوم وزاد الطين بلة
|
ههههههههههههههه هلا بالنصراوي
انا كنت هلالي متعصب الى ابعد درجة تتخيلها . ولا تابعة نصراوي في تويتر الا شخص واحد يقرب لي
وبالواتساب ما اتابع اي نصراوي . ولو شفت احد يطقطق علي بالواتساب بعد ما يخسر الهلال
على طول بلوك وسبق اني سويتها مع ناس اعزهم بالحيل ههههههههههههه
لكن قدر الله و جاك ذاك اليوم الي مو مستوعبه الى الان
نمت وانا هلالي متعصب لـ حد الجنون و صحيت وانا ماني هلالي ولا لي بالكورة نهائيا
انصدمت من وضعي و جلست اتعوذ من ابليس ههههههههه و اسال نفسي وش الي صار
وكانت فيه مباراة للهلال بالليل قلت بروح اتابعها . و اول ما تابعت المباراة 5 دقائق الا يوم بديت اطفش
واحس اني اغصب نفسي على المباراة . المهم طفيت التلفزيون . ولي الان سنة تقريبا ما شغلت التلفزيون نهائيا
لكن يعلم الله اني ارتحت يوم تركت الكورة .. لارفعت ضغط ولا قهر و هم ينكد علي بعد ما يخسر الهلال
وانشهد ان البعد عن الرياضة نعمة لاتقدر بـ ثمن .. بالاضافة الى ان اللاعبين من الجيل الحالي ماهم كفو تشجيع
يحرقون اعصابك على غير سنع . و اللاعب بعد نهاية المباراة تحصل يضحك وبعضهم يسافر و الجمهور
المسكين مرتفع ضغط و شايل هم الخسارة .. وبعضهم تحصله يبكي بسبب الخسارة
المحظوظ و المستناس هو الي عايش ايام الجيل الذهبي للكرة السعودية .. سواء بالاندية او المنتخب
كان فيه لاعبين يحرثون الملعب حرث . بـ اختصار حتى لو خسر النادي و المنتخب ماراح تزعل و تحرق اعصابك
لانك تعرف ان اللاعبين قدموا مستوى ممتاز لكن ما الله كتب لهم الفوز