|
درينا فيك اكتئاب وسواس قهري وبعدين ايش بتسوي؟!؟!
صحيح ايش بتسوي؟ قول لي؟ تبي تنتحر انتحر،وغير كذا وش تبي تسوي؟قول لي؟ يعني ما فيه مريض في العالم الا انت؟ ابفهم ايش الضعف اللي عندك هذا؟ من جد ابي اعرف. ليش انت ضعيف؟ إذا جاك اكتئاب انهرت إن جاك وسواس انهرت، ليش انت كذا؟؟ ليش؟؟ عيب استح انت رجل،الرجل يقاوم يقاتل يقتل بضم التاء،تبي تقول حاولت اصمد ما قدرت وبقول لك كذاب. معلش انت كذاب.لو فعلا ما قدرت كان انتحرت، لو فعلا ما قدرت كان ما دخلت المنتدى وشاركت فيه، لو فعلا ما قدرت كان الحين ما تدري عن الزمان والمكان. لكن انت تقدر، بإذن الله تعالى تقدر، شوف لك حل، ابحث لا تيأس، ما فيه مشكله ان تقضي حياتك كلها بحث، أهم شي قاوم، لا تستسلم، وعلى فكره لا تزين لك نفسك أن العالم اللي تشوفها في الحاره أو المدرسه أو في الشارع انهم كلهم متعافين ما فيهم شيء، لا يا حبيبي، يا ما تحت السواهي دواهي، التعبانين في كل مكان وبعضهم حتى أسوأ من حالتك بس مالهم الا الصبر والمقاومة بكل ما أوتو من قوه. فلا تظن أنك وحدك ابدا. تدري عندي لك حل اضحك على نفسك. نعم اضحك على نفسك يعني اخدعها. إن قالت لك انك اليوم تعبان مره قل لا انا اليوم من احلى ايامي. جربها وراح تنجح معك. قاوم قاوم قاوم. وبعدين ابغى اقول لك حاجه، تدري انك في جنه لما تشوف غيرك، بقول لك كيف. تدري ان فيه ناس لهم عشرات السنين على الأسرة البيضاء ما يحرك الا عيونه بس. تدري ان فيه ناس لا يسمع ولا يرى. تدري ان فيه ناس يعيشون أيامهم الاخيره الان بسبب السرطان. تدري ان فيه ناس قصاصهم قرب وينتظرون موعد التنفيذ. يا أخي أحمد ربك تراك أهون من غيرك. انت أقل شيء عندك امل بس غيرك انعدم الأمل تماما. وفق الله الجميع
|