نفساني - عرض مشاركة واحدة - ؟!! هو الواقع ؟!! ودي أشوف رايكم معشر العرب في المحبة ليش من طرف واحد

16-12-2016, 04:58 AM

اقتباس:

المشاركة الأصلية كتبت بواسطة رسوم متحركة

يبقيك و يخليك لعين ترجيك
صدقني شيء بريء بكامل الصلاحية مثل ما وضحت لك فليس هنا مكدرات من تعلق مذموم و صيرورة الأمور إلى جاني و مجني عليه هذا ما أعتقده لكن يظهر لي من خلال المشاركات التي انهالت على هالموضوع المسيكين إنها مالت و رجحت لكفتك كثيرا عن الكفة الأخرى و لذلك ربما سأكتفي بكلمة يا عزيزتي الغالية فقط :) و يشهد الله أني أعتبرهم كلهم بنات حواء و من الضلع الأعوج قوارير أخوات متساويات عندي لا فرق بينهم كيف بمن هجم عليها المرض و أثقل كاهلها

حبيبي أبو سلمان و أقسم لك بالله إني لما اسمع من أي وحدة أياًكانت تقول حبيبي يا عالي فكأني يا شيخ في القبر ثم بعثت

بعدين وش السنترة ياخوي أبو سلمان بالعكس حنا كبرنا عن هذي الأشياء يعني بالله مثال لما أنا بقولها فديتك يا قلبي هل يعني هذا إن هناك خلوة غير شرعية مثلا مثلا ما هذا التفكير يا راع الفورد

ما عليك زود يا بعدي و الله
هههههههه لا أثري صرت غبي و أنا ما أدري طلع الإستطلاع أنا اللي أحطه مو من عندهم
و أنا أقول ليش تأخرت الإدارة أو انها كنسلت طلبي و يبغون يقهروني هههههه تعرف كم مواضيع و مشاركات شققوا قلبي فيها و شققوها تشقاق
سامحوني أجل يا إدراة و الله ما دريت عن معلومة الاستطلاع الا من ياسمينو

تحياتي لك يا بو سلمان و مساك و سماك جنة
أوجزت فأنجزت شكرا لك جدا :)

هلا وغلا

صباح الخير ياوجه الخير

عالي راح أشرح لك وجهة نظري لأن شكلك تظن إني ألومك .. وهنا أنا أتكلم عن أحاسيسي وعواطفي سواءاً كنت مثل الكثيرين هنا أو مختلف عنهم

شوف حبيبي .. أنا لما أتكلم إن هالشيء لازم ننتبه منه هو لأني إنسان عاطفي جداً .. حتى ولو كل العالم حولي يشوفوني عقلاني إلا إني عاطفي .. وبالعربي ممكن أزحف مع العواطف وأنسى عمري :q

ولو أنا أتحت المجال لنفسي بالكلام العاطفي وبادلني أحد نفس الكلمات كان نشبت وتعلقت في البعض هنا .. ياخي أنت تقول لو وحده قالت لي حبيبي أحس إني طالع من القبر مولود تقصد وتحييك هالكلمات .. ترى الغالبية نفس هالشعور خصوصا للي متبهذل ويعاني .. وهذا شعور طبيعي لو نفتح لأنفسنا المجال كان علوووم

هذي فطرة شاء من شاء وأبى من أبى ... الرجل تجذبه الأنثى ولما يعجب في أشياء منها راح يقرقع قلبه يا حبيبي ... ولو تقول له حبيبي بينسدح عندها .. وفي كل يوم يكبر الشوق والإحتياج لها .. وترى من طبع الإنسان يتجاهل أشياء كثيرة غلط من شان ما يفقد أحد يحبه .. يبرر لنفسه شوي وكذلك يغمض عيونه ويعيش اللحظه ولا يفكر في باكر .. يبي يرتاح في ذيك اللحظه ويشبع عواطفه ولكنها كل يوم راح تزيد أكثر وأكثر .. لأن العواطف مالها نهاية ولا تهدأ و تخمد إلا من خلال العلاقة الزوجية

لذلك كانت وجهة نظري هي الباب اللي يجي منه ريح سدّه واستريح

وترى طبع الإنسان دائما يثق في نفسه زيادة عن اللزوم في كل الأحوال ... بالتأكيد أي أخت ما تبي أخوها يقول لي بنت يا قلبي ويا حبيبتي ووو الخ .. وكذلك الزوجة ما تتقبل من زوجها والأم كذلك من ولدها .. والرجل ما يتقبل أحد يقول لأخته يا حبيبتي ويا قلبي وو الخ ... بس دائما الإنسان ينظر لنفسه إنه ثقة ومستحيل يتمادى .. ويحدث نفسه بإنه راح يرسم حدود يوقف عندها ومستحيل يتجاوزها .. ولكن مع الوقت وفورة المشاعر والشوق راح يقرب للطرف الآخر خطوة خطوة وهو مو منتبه أو متغافل .. بسبب الظروف أو الكبت أو الإرتياح كل هالأشياء مع المحبة والمشاعر تخلي الإنسان يتغافل عن كثير من الخطوط وهو في صميمه عارف إن طريقه خطأ .. ولكن مثل ما قلت يرى بإنه مستحيل يقوم بخطأ كبير وإنها مجرد كلمات من بعيد لبعيد

هالشيء في علم النفس يسمى الأنا العليا والأنا السفلى

الأنا العليا هي إن الإنسان يرى إن أخطاءه ما تكون مؤثرة بشكل كبير لا في العائلة ولا في المجتمع المحيط ... تلقاه مثلا يشرب ولكنه ما يحب يشوف أحد يشرب وتلقاه يدخن ولكنه ما يحب يشوف أحد من اخوانه الصغار يدخن أو أحد من اولاده .. تلقاه يوقف عند الإشارة يلتفت ثم يقطعها وبنفس الوقت لما يشوف أحد يقطع الإشارة يتضايق ويقول عنه متخلف ... ليش ؟ لأنه ينظر إن أي خطأ منه من الممكن السيطرة عليه ولكن ما يثق في أخطاء الغير ونواياهم .. وهذي هي الأنا السفلى اللي ينظر للآخرين فيها ... ان أخطاؤهم مؤثرة وممكن تتفاقم

بالتأكيد الكل يغار هنا على أقاربه من ذكور وإناث لكن كما قلت ينظر لخطأه انه بسيط وله أسباب ومن الممكن السيطرة عليه ووضع خطوط حمراء ... بنفس الوقت اللي مستحيل هو يبرر لأحد عزيز عليه إنه يقع في الأخطاء ... لذلك تلقاه يؤنب نفسه بعد فترة في الوضع اللي هو عليه مع حبيبه بحيث إنه ما يرضى عليه الغلط ولكن يضل متمسك فيه .. والنهاية الحتمية إذا ما حدث الزواج هي الفراق مع جرح في قلب الإثنين .. وأرى دائما إن الأنثى هي أكثر من يتضرر ويعاني من هالشيء

وجهة نظري هو إني ما ألوم أحد خصوصا اللي يعاني لما يتعلق في إنسان ويحبه ... لكن أنا أقول إن التعلق صعب صعب جدا ومؤلم لذلك أفضل كبت المشاعر على إظهارها .. لأنها لما تظهر راح يعاني الجميع .. والباب اللي يجي منه ريح سدّه واستريح ... أحيانا البعض يشوفك وعلى باله إنك جدار ولا عندك مشاعر ولا أحاسيس ولا جاذبية للجنس الآخر ... بالمقابل تكون أنت عشقت مليون بصمت ودون ما تعبر عن مشاعرك تجاهه ... لأنك لما تعبر تكون عارف إنك راح تتعب وتتعب الشخص اللي تحبه

يمكن هنا ممكن الحديث يطّلع عليه العموم .. ولكن مع أول فرصة راسي وراسك راح ننجرف بالتعابير وتزيد حبه حبه لين ما أحد يجيب كل اللي في قلبه .. الحياة كذا يا حبيبي يا عالي مش بالساهل ... ولو كل إنسان يكتب بكل صراحة خيالاته وحديثه مع نفسه كان شفت بلاوي .. أنا شخصيا أسوي فلم أو حلم يقظه سمّه اللي تسميه لما أكون في ضيقه وتجي بنوته تقلب مودي وتوديني لجو ثاني وتطلعني من الجو الكئيب اللي كنت فيه .. تلقاني أسرح لو ولو ولو ولو وأسوي مسلسل وقصة حب في راسي ليييين أدوخ ههههههههه

معليش بس ما تلقى أحد يسدح كل شيء بصراحة إلاّ بالنادر .. لما كنت في عز البلاوي والتعب هنا كنت انجذب للي يفهمني ويغير مودي ويهتم في مشاعري ويساندني .. وأسرح فيه وأتمنى لو انه قدامي .. وهالشيء أعتبر انه طبيعي جدا .. لأني أنا طحت هنا بوسط عالم يفهمني وبنات رقيقات متفهمات بالوقت اللي أعاني فيه بالواقع ومتكتم على نفسي ولا فيه أحد يعرف بالبلاوي اللي اعيشها بيني وبين نفسي .. لذلك لما تلقى ناس تقول لهم كل اللي بمخك وترتاح وهم نفس الشيء أكيد راح تقابلهم 24 ساعه ويصير انجذاب ... لا تقول لي براءة .. هذي غريزة في الانسان إنه ينجذب للجنس الآخر .. أنا ماني بريء يا عالم .. أنا أنجذب وأتعلق وأتمنى وأسرح بفكري و كلمة لو تمسك فيني خمسين خط وتفتح ستين باب :s

الإنسان اللي عنده وحشه ومشاكل عاطفي جدا .. وحتى ولو إنه متماسك تبقى له أمنياته ويبقى ينجذب لكل شخص يفهمه خصوصاً من الجنس الآخر

لذلك لا أحد يلومني لو أقول الحذر مطلوب ولازم الإنسان يتكتم ولا يفرط بكلامه .. لأن البوح صعب جدا ولا راح يطيب الخاطر ولا يشبع العواطف .. وكذلك الفقد أصعب وأمرّ .. وتأنيب الضمير كذلك أمرّ وأمرّ

أحس إني مسكت فيك خط عالي هههههههه

يالله أفوتكم بعافية دالؤتي ... تشاوز

..

محمد المجرب ,ظل امرأة ,أبوأمل معجبون بهذا