المشاركة الأصلية كتبت بواسطة عبدالله سلمان

بعد راسي والله شيء يعوّر ... ولكن وانا اخوك وسع صدرك .. الجيل السابق كثيرين يطبقون هالشيء .. كانت حياتهم صعبه وطرقهم غير عن اللي طلعنا عليه .. لذلك تلقى منهم الحنان وتلقى منهم القسوة .. ويمكن هالشيء تعلموه من أساليب الأولين .. ولكن لازم تلقى لهم العذر إنهم عاشوا في مفترق الطرق في وقت تحول كبير بالمجتمع وتغييرات كبيرة صارت يمكن سوت هالشتات في أسلوبهم ناحية الأبناء من خوفهم عليهم


حط اللي راح ورى ظهرك والحمد لله إنك متفهم وتتذكر الحسنات والأشياء الحلوة مع القسوة .. لي صديق عانى بقوة من قسوة أبوه ولكن سبحان الله لما كبر أبوه وتعب وتكلمنا بالموضوع أكثر من مره تفهّم كل اللي راح وإنهم جيل عاش أول أيام الحداثة لذلك تلقى كثير منهم مرتبكين في التعامل مع أولادهم .. ظهر التلفزيون والفيديو والسيارات والمادة والنظام العام من مطاعم وسهر ولعب عكس الأيام اللي عاشوها .. لذلك كان خوفهم وارتباكهم كبير خوفاً على أولادهم .. في نفس الوقت اللي ما يقبلون أي تذمر لأنهم يرون إن الجيل الحالي حصل على إمتيازات كثيرة ما حصلوها في نفس السن


المهم عقبال ما يرزقك الله بالعيال وتكون محافظ عليهم ومتفهم ومتزن معهم بنفس الوقت .. تطون تعلمت من حنان أبوك وكذلك من قسوته


عقبال ما تاخذ أربع وتصير مثل الحاج متولي هههههههههه

الله يسعد هالوجه

..