ما هي قضية حب موضوعي أكبر
أنا مع الأيام موضوع ثاني
مدري غرقت شلون وأنا على البر
وش راح مني وش بقى من أماني
لا طبت يا قلبي ولاهو غدى الشر
برضاك والا غصب عنك تعاني
مر الزمان إللي عن الأنياب كشّر
ما عاد خلا للبلابل أغاني
إلى متى وأوراق عمري تِبَعثر
بين الرحيل وبين غربة مكاني
كريم يا حزني يجي منك أكثر
بخيل يا فرحي وحظي أناني
فـَ إعتزلت الناس قالوا إتِكَبّر
وذا بديت الطيب يخسر رهاني
العين مخلوقه عشان تسهر
والليل جاملها وطول عشاني
يذبل زهر وأغصان عمري تكسّر
تعصف بي الونه تزلزل كياني
لا بارك الله فيك يا الحظ الأقشر
إللي على ضيم الخلايق حداني
الحلم بـِ عيوني على دمعي أبحر
غادر وخلالي عذاب المواني
هذا العمر عدى وهذا هو أسفر
عن مقتل إحساسي وصابت حناني
https://