نفساني - عرض مشاركة واحدة

21-12-2016, 02:55 AM

اقتباس:

المشاركة الأصلية كتبت بواسطة الأمواج الحزينه

وعليكم السلام ورحمة الله وبركاته
الله يسلمك ... والشر ما يجيك
ايوا نفس أعراضك

الدوخه ... وضيق ف تنفس ما كنت اقدر انام بليل ... وكسل .. وخمول... والم ف صدر كنت اوسوس اني معي سرطان بسبب ألم ف صدر ... وكتمه ف صدر... وثقل في رأسك .... والم ف أيدي يسار مع الكتف .. وحرقان البطن ومعده وصدر وبلعوم وسبب لي جرثومه ف المعده والحمدلله شفيت فيها بس الحرقان بعدها ماتروح والم ف رجل واليد وووو ....!!

مرحبا

سلامتك وما تشوفين شر

اللي معك والله أعلم هو تهيّج بالقولون للأسف ومسبب كل هالحوسه من الأعراض .. فيه ناس كثير هنا للأسف مؤمنين إنهم مرضى نفسيا إما بالإكتئاب أو بالوسواس أو يعانون من نوبات هلع في حين اللي معهم هو تهيّج بالقولون

كل ما تحتاجين له هو نظام غذائي صارم وكذلك روتين يومي من الرياضة والإنشغال .. فترة اسبوعين ثلاثة إن شاء الله وراح تشوفين الفرق كبير جداً بإذن الله .. خوذي الكلام من شخص مجرب كان يعاني من وسواس الموت والأمراض والأحلام وكذلك من الإكتئاب وبفضل من الله تجاوزت هالشيء من دون أدوية نفسية

لازم تعرفين ان الإنسان اللي يعاني من تهيّج القولون ضروري ينتبه لنفسه .. وكل ما خربط بالأكل والشرب راح ينتكس .. وكل ما إلتزم كل ما كان أحسن وأحسن .. لذلك إن قدرتي تضبطين نفسك وتحسنتي وافتكيتي من الوساوس والأحلام والكتمة إنتبهي ترجعين للخلف باللخبطة بالأكل .. لأنك راح تاكلين مره مرتين ولا تتأثرين وتظنين إنه خلاص عادي ترجعين تاكلين اللي تبين ولكن إن تهيّج القولون بقوة راح تتعبين وتحتاجين اسبوعين ثلاثة على ما تعدلين من الوضع وترتاحين شوي شوي

المهم إنك حتى بعدين لما تلخبطين بنظامك راح تتعبين من الأعراض الجسدية بس الوسواس ما راح يرجع مثل الآن .. لأنك تعرفين مشكلتك بالضبط

طبعاً كثيرين جدا أقول لهم هالكلام ولكن للأسف يفضلون العيش وسط الوساوس والإكتئاب ... الأكل عرفت انه مغري للكثيرين حتى ولو انه يسبب لهم المعاناة .. غير إن قوة الإرادة عندهم صفر

اطلعت على مشاركاتك في المنتدى .. وأتمنى إنه تكون عندك العزيمة للمحاولة وإنك تستغنين عن الدواء النفسي لأنه مجرد مسكن لا أكثر ولا أقل بالعربي ماهو ( علاج ) يقضي على المشكلة والجميع عارف هالشيء .. غير أعراضه الجانبية الكثيرة وبوسعك أخذ جولة على قسم الإكتئاب والإطلاع على من يستخدمون الأدوية من سنوات طويلة

تحمست جدا للرد عليك لأن فيه إنسان متقدم لك .. وإذا هو كويس إستخيري وأقدمي على الخطوة ولا تتخوفين ... صدقيني إن الأمر يستاهل المحاولة منك والصبر والإلتزام .. فقط قولي لي إذا عندك إستعداد تلتزمين بنظام صارم على كافة المستويات وبرجع أرد عليك إن شاء الله

مريت بحالات كثيرة بعضهم وسوس إن عنده سحر وبعضهم وسوس بالعين والبعض بالمس والبعض بأمراض مستعصية وأحلام وموت ووو الخ .. بالنهاية طلع تهيج قولون .. وكثير ناس آمن إنه مريض نفسياً وانطوى على نفسه وحط يد ورا ويد قدام واستسلم دون محاولة جدية للمعرفة والعلاج والإلتزام

...

الأمواج الحزينه معجب بهذا