نفساني - عرض مشاركة واحدة

21-12-2016, 07:43 PM

السلام عليكم ورحمه الله وبركاته
اسعد الله مساكم بكل خير
ابو راشد بنسبه لسامر الحلبي انا جربته شخصيا
وكانت عباره عن جلسات هاتفيه عن طريق سكايبي
للامانه وبكون معاك صريح بكل كلمه اقولها لك ما استفدت منه في اي شي
لان كلامه كله خرابيط بخرابيط
علاج الهلع بالمواجهه والله لا سامر ولا غيره بيفيدك
بنسبه لي انا ولله الحمد امارس حياتي بكل طبيعه واروح واجي واسافر
بسياره وطياره واداوم في العمل من غير حبه دواء واحده
كان علاجي بالمواجهه لان الي معانا افكار سلبيه وعقلنا يصدقها
وبنسبه لدوخه ما زالت مستمره وخفه الراس لكن ما اهتميت لها
امارس حياتي وما اخلى الهلع ياسرني مره ثانيه
كافي انه اسرني سنه كامله وانا اشوف وراه لين ما تعبت
بغيت اخسر وظيفتي واخر اشياء كثيره بسبه الاوهام
نصيحتي لك العلاج بيدك واجه خوفك كم صارلك ادوخ كم صارت تقول بموت
مت او طحت غشيان او او او او صار شي من الي اتخيله
كلها اوهام وافكار سلبيه
اشغل وقتك اشغل فراغك بشي يفيدك وحاول تخفف من قرايه مواضيع الهلع
او معانات الاخرين خلك في حالك وفي مشكلتك لان اذا قريت اعراض غيرك بتخيلها في نفسك
واشكرك واتمنى لك الشفاء العاجل