|
ساعدوني تعبت من الحياة حالتي نادرة
السلام عليكم
اخواني انا سجلت في هذا الموقع الرائع حتى اقول لكم حالتي التي اتعبتني
اول شي راح اقول لكم حالتي اللي من 10 سنين وهي تجي لناس كثير وبعدها بقول عن حالتي النادرة
قبل 10 سنين
كنت جالس اتابع مسلسل شوي حسيت قبلي يدق بسرعة وكل شوي تزداد دقات قلبي خلاص شفت الموت وارح مع صديقي المستشفى وهدوني بعدين جيتهم الصبح اسوي كشف كامل قال الدكتور انت مافيك شي سليم والحمدلله وكنت عايش مع هذي الحالة وخوف وقلق وما اطلع من البيت اخاف لو تجيني في مكان بعيد بعدين بديت اتعود عليها ولا صرت اعطيها اي اهتمام والحمدلله
الحين اجي لحالتي وانا اعتبرها نادرة والتي اتعبتني جدا
تقريبا من 8 شهور
عندما اغفى للنوم قلبي يوقف وافز من غفوتي بس اغفي شوي مو انام واحس قلبي يوقف وافز برعب واحاول عدت مرات كل شوي افز ليين انام والله تعبت حتى النوم مو متهني فيه
بس انا ملاحض على شي انا من محبين الافلام الوثائقية اذا تابعت فلم وثائقي على جوالي انام بدون ما افز وارتاح في نومي جدا والحين ما انام الا اتابع وثائقي لانه يريحني صوت المعلق يجيب النوم والراحة ولكن اذا جيت انام كذا طبيعي مثل الناس والله اتعذب كل شوي افز وامسك على قلبي
يا اخوان ساعدوني وانصحوني وش اسوي لا تقولون روح اكشف عند الدكتور لاني رحت كم مرة وكم مستشفى كلهم يقولون انت سليم مافيك شي
معني ماستخدمت ولا عقار نفسي او مهدي في حياتي
اوصفوا لي عقار يريحني من هذا العذاب واهم شي يكون بدون اعراض لاني اخاف من الاعراض الجانبية
وملاحضة اخيرة عندي انيمياء منجلية
وشكرا لكم
|