المشاركة الأصلية كتبت بواسطة محمد البدراني

مسااااااااااااااااااااااااااااااكم الله بالخير جميع يا احباب قلبي


توني راجع من سفرة للقصيم كانت رائعة بحق


سافرت يوم الخميس الساعة 11 صباحا مسكت الخط

وصلت القصيم عصرا لاني امشي على راحتي و اوقف كثير لا تزود بالوقود واريح الوالدة لانها مسافرة معي


اول يوم بالوصول رحت احجز في شقق بودل قال فل بس فيه شاليهات بحي النخيل بودل النخيل

رحت واخذت شالية كان حلو كثير له باب كراج اتوماتيك وغرفتين وصالة وسعة ومطبخ ودورتين مياه اكرمكم الله ومسبح ب 495 الليلة حجزت يومين

اليوم الاول بالوصول كان الخميس عصرا

ريحت شوي من المشوار وطلبت قهوة عربية مع السكري يم يم

بعدها رحت مهرجان الغضا بس للاسف كان مقفل

بعدها توجهت لسوق المسوكف جميل جدا شعبي على الطراز القديم الطين

ومثل الجنادرية بس مصغر تقضيت بعض الامور مثل الكليجا وبهارات

جلسنا في الجلسات الخارجية وطلبنا شاهي مع الحنيني يم يم

بعدها توجهت لمطعم المنصي للمندي وخذيت لحم حاشي مع ارز بشاوري مع لبن يم يم

بعدها تقهوينا الشاهي مع المكسرات وجات الساعة وحدة ونمنت والوالدة كذلك نامت

صحيت الفجر بعدها طلبنا فطور عبارة عن فول وبيض وزيتون وجبن وخيار وطمام وشاهي

بعدها الساعة 7 الصباح يوم الجمعة توجهت لبريدة وكانت مدينة حلوة كذلك ولا تفرق عن عنيزة بالجمال

رحت البرج ورحت اتمشى في شوارعها وكان مذكور لي محل اسمه الشعبية لبيع التمور بس حصلته مقفل

رحت لمحل الزومان وشريت تمر مجروش وكليجا وقرص عقيلي وبعدها توجهت الساعة 11 الصبح لعنيزة

وصلت الشالية وريحنا لللساعة 3 وخرجت بعدها لحي المعيبد الشعبي وفريت فيها وبعدها توجهت لمطعم البيك للغداء وطلبت 2 بروستد وحمص وببسي

بعدها توجهت للشالية للغداء حتى الساعة السادسة ونصف مساء بعدها طلعت لسوق عنيزة مول وكان رائع وفسيح وجميل تقضيت منه بدلة لسعود ولد اختي وجزمة للوالدة وانا ما حصلت شي هههه

بعدها توجهت الساعة 11 في الليل من يوم الجمعة لمطعم ميسر للشاورما وطلبت عشانا ورحت الشاليه وتعشينا ونمت للفجر وصحينا وافطرنا ومستك خط الرياض

الرحلة كانت يوم الخميس لحد هذا اليوم السبت يومين اعتقد كافية