نفساني - عرض مشاركة واحدة

01-01-2017, 03:05 PM

أخ متحري.
السلام عليكم.
إيش رأيك تطلع معي للربع الخالي،ونقعد لنا شهر هناك.؟
نغير جو مع الرمال الذهبية،وندور الصيد.أنا ما عندي سلقه كل اللي عندي قطوه خاينه وانحاشت.
شرايك؟؟
نجلس على الكثبان الرملية،ونشب حطبنا،ونطالع في النجوم.
قبل ما ننام ندق لنا حبتين سركويل ونرقد إلى الليل ونعاود نسهر.
أنا اغني لك وانت تغني لي.ونسولف ونضحك.وإن جاء أحد من إخواننا الجن حياه الله يكمل السهره معنا.
أنا عندي طيران بالبيت(طبول)باجيبهن معي.وانت إذا عندك ربابه هاتها.خلنا نمثل مسلسل بدوي.
أنا على اجيب المأكولات كلها جبن وعصير وخبز خباز وخبز شباتي.ها وش قلت.
انت عليك بس الماء تجيبه.
الحمام أو الارانب اللي تصيدها السلقه ما نذبحهن
نجمعهن بقفص وإذا رجعنا نفكهن.
تعرف ناس مكتبئين ما عندنا قلب يتحمل الذبح.
طبعا من ندخل الربع الخالي نقفل الجوالات على طول.
ما حنا فاضين ألو،ألو،ألو.ملينا خلاص.
متحري لك علي بالليل احضر لك جني مسلم يسمر معنا وناخذ علومه،بس مو اذا جاء تنحاش.هههههه
وإذا بغيت في الليل تمسك لك طعس وانا امسك لي طعس ما عندك مشكله.تعرف ناس مكتئبين نحب الانفراد مع الذات.ههه.
ها وش قلت؟؟

رسوم متحركة ,أبو عبادي ,مستكفّة معجبون بهذا

المصدر: نفساني