المشاركة الأصلية كتبت بواسطة عضوة رهاب والله يازمالك الهلع يطب طب عليك لو تسوي ايش الله يشفينا يارب منه

أنا أصلا كان عندي هلع وكانت تجربه مريره جدا واعراض صعبه جدا
الاهم فيها هي طريقه التعامل معها
أنا عاصرت كل صعوبات اعراضها ولكن مع الوقت اكتشفت ان مهما هي اشتدت اعراضها مالهاش اي تأثير يذكر على الجسم لأنني صاحب الهلع وصاحب ايقافه باذن الله
الاعراض شغاله ومهما حاولت افكر واغير من تفكيري مش هيقف
لكن غصب عنه بعد فتره هيقف النوبه هتقف الاعراض هتقف والجسم هيرجع طبيعي
توكلت على الله اخدت علاج دوائي وبعدين مارست حياتي طبيعي اروح دوام وارجع اهتم بنفسي كويس
اخد شاور اخلي جسمي منعش واشوف حاجات تشغلني جامد بعد الدوام
والاكل يكون طبيعي مع فاكهه كتير لانها صحيه جدا ومفيده وقت الهلع
بعدين اهم عنصر هو لعب الرياضه لعبت كورة باستمرار وكانت من اهم الاسباب بعد الدواء في تحطيم الهلع تماما كنت بلعب ماتش الكورة واطلع البيت على الاخر اخد شاور وجسمي كله الاقيه مسترخي بطريقه عجيبه

المسأله بسيطه هي فقط بحاجه الى تنظيم وقت مع علاج دوائي
اي حد يقول سلوكي بس استحاله صعبه اللي يعملها يبقي باشا اللي يتعالج سلوكي فقط يبقي باشا لأن الهلع لازم ولازم علاج ومفيش حلول وسط السلوكي بقي ممكن اقول عليه بعد العلاج الدوائي ما يجيب نتيجه
ابدأ سلوكي بعدين أنا شايف ان العلاج السلوكي اللي هو عباره عن ان الواحد ييجلس مع الطبيب ويحكي ومش عارف ايه مالوش ادني اهميه في الهلع ممكن ينفع في الوسواس والاكتئاب انما الهلع لا ازن مطلقا
الهلع مختلف لان الهلع بيصاحبه اعراض جسمانيه بالتالي مريض الهلع بشكل عام مختلف عن مريض الاكتئاب والوسواس
الامر بسيط فقط تنظيم