|
شاركونى معاناتى وكل واحد يكتب قصته لنصبر بعض
انا قصتى انى من وانا صغيرة كنت اعانى من خجل شديد وبابا كان مربيلى رعب والله كان بيضربنى ضرب مبرح ويتريق عليا ويراقبنى فكل تصرفاتى خلانى اكرهه غصب عنى انا عارفه انه بابا ومينفعش لكن غصب عنى كرهته ولحد دلوقتى بخاف منه دخلت اعدادى وبدات تظهر عليا اعراض زى عرق جامد جدا فايدى ورجلى وعدم قدرة على التحكم فعضلات وجهى والابتسام وانقباض لاارادى فجسمى لكن كنت بقاوم وعايشه بيها مكنتش اعرف ده ايه وبرغم من مرضى كونت صداقه جميله جدا وكنت شاطرة جدا فالدراسه لحد بعد ثانوى جبت 96% وملحقتش حاجه غير اثار القاهرة ورحت قعدت فالمدينه الجامعيه فالفترة دى اشتدت عليا الاعراض جدااااا بطريقه مميته جالى وسواس رهيب وعدم تركيز وتشتت وخوف من كل شئ بقيت دايما ساكته ومنعزله عن الناس وعندى خوف منهم غير مبرر وتفكير سلبى عن نفسى وعدم ثقه فالنفس طبعا قررت اروح لدكتور شاطر فمصر ورحت لدكتور خليل فاضل مكنتش بقدر ابص فوش حد واتكلم كنت كاتبه فكراسه كل الى بحس بيه عشان يفهم قرا انا كنت فاكرة انو رهاب قالى انو مش كدة وادالى بروزاك واولابكس اخدت العلاج فترة قصيرة ظهرت عليا اعراض تانيه بقيت اجى اقرا الكلام يتكرر فودنى زى صدى صوت من غير مفهمه طبعا ده عرض ذهانى قمت رحت لدكتور تانى ادالى سيروكسات وزيبريكسا ... من هنا واطوت الصفحه وبدات حياة جديدة بشخصيه مختلفه جميله شخصيتى الحقيقيه اتحررت من كل الاعراض الى بتضايقنى واتصرفت بطبيعتى ومهمنيش الناس بابا قدملى فكليه صيدلة خاصة ودخلت وقابلت شخص وحبيته وكونت صداقات وعديت 3 سنين فصيدلة بجيد جدا كنت مرحه وبحب الناس وطول الوقت بهزر واضحك لكن للاسف انتكست وبدات الاعراض ترجعلى 😟 طبعا مسكتش ولفيت على دكاترة كتير واخدت ادوية لوحدى كتير مفيش فايدة المرض بقى اقوى مالعلاج والاصعب انو الى حبيته ده جه واتقدملى وكنا خلاص هنتخطب لحد مروحت لدكتور وقالى انو مرضى ده ذهان بس مش disorder كامل وادالى اربيبرازول وزولام انا اخدت الزولام من هنا ودماغى اتفرمتت مبقتش بفهم ولا بفهم حتى التلفزيون ولا الكلام وبنسى وبخرف نمت فالسرير وطبعا اهلى ضربونى شويه وودونى لدكاترة شويه والى بحبه فضل جمبى مسابنيش وجابلى دكتور فالقاهرة شاطر ورحتله الحمد لله رجعلى الفهم لكن الاحساس والاعراض الفصامية السلبيه الى عندى دى كلها لسه موجودة طبعا علاقاتى الاجتماعيه ادمرت وكليتى معتش بروح والى بحبه خلاص بسبب تبلد المشاعر والخوف معتش قادرة اكمل معاه وبعدت عنه لكن اهلى مش سايبنى انا مبقتش برتاح غير لوحدى وجود الناس بيسببلى اعراض بتضايقنى جدا حاسه ان بقى عندى توحد واهلى بيضغطو عليا جامد وضرب بقى واهانه من الكل واستغراب طبعا لانى كنت شخصيه قويه جدا وشاطرة انا دلوقتى معتش قدامى حل غير انى اهرب واشوف شقه اعيش فيها لوحدى مرتاحه الى باقى من عمرى واصبر واكتفى بربنا واصلى واقرا قران وبس اخدت كل مضادات الاكتئاب ومضادات الذهان الى فالسوق تقريبا مفيش فايدة معتش ليا حل غير كدة لكن الوحدة والحزن والمرض والعذاب الى انا عايشاه ده صعب اوى وتعبت منه جدا معتش قادرة خلاص كدة اتحكم عليا انى اعيش لوحدى بقيت عمرى كله ياترى هموت وارتاح امتى ولا هيحصلى ايه مستقبل اسود ومظلم وكئيب :( مش بيصبرنى غير املى فربنا انو يعوضنى فالجنه :( :( :( احكولى قصتكو وصبرونى مش عاوزة احس انى لوحدى ياريت
|