الحـــائر

بيانات اضافيه [ + ]

رقم العضوية : 53733  تاريخ التسجيل :  06 2016  أخر زيارة : 27-10-2020 (01:10 AM)  المشاركات : 236 [ + ]  التقييم :  10

لوني المفضل : Cadetblue

حديث داخلي عن الهلع

كثير ما أحدث نفسي عن الهلع والخوف الي صابني من سنة وشوي عن طريق ممرض في مركز صحي شتت تفكيري وجنني لما حكالي انو عندي ضغط ويلش يعطيني إبر لتقليل الضغط الي ما نزل في وقتها وضل مرتفع، وانا أقول ما عندي ضغط بس متوتر والدكتور يقولي لا صعب اتركك ترحل الا لما ينزل الضغط ويلش يحكيلي عن الضغط ومضاره. انا من هذيك الليلة وانا أعيش بجحيم عجيب الا فترة 5 شهور مشيت وقتها على دواء سيبرالكس وكانت احسن فترة حسّيت حالي رجعت لوضعي الطبيعي.

بس تركته بلشت الأمور ترجع للهلع والوسواس، ما ادري شلون او كيف يصير معي هيك، ما ادري ليش أفكر بالامراض الغريبة، أفكر أقول في نفسي يمكن هذا سرطان لا يمكن هاي جلطة لا يمكن ديسك، وافكار سوداء وشلون رح اموت واترك الدنيا، لسه أولادي صغار وما اعرف كيف رح يعيشو من بعدي، حياتي تقلب جحيم بكل معنى الكلمة.

والنوم ما يجي عيني الا قليل، وإذا نمت انط بنص نومي وأقوم امشي في البيت واطلع على الأطفال واشرب مي ويبلش الوسواس يلعب في مخي. والي حولي يبعدو عني يقولو هذا زهقنا بسوالفه عن الأمراض. مع أني في الماضي ما اعرف الأمراض ولا حتى أفكر فيهن بالعكس كنت ما اخاف ولا اقلق وجريء جدا جدا. لكن لا حول ولا قوة الا بالله وحسبنا الله ونعم الوكيل.

احيانا أفكر احكي ليش انا اخاف من المرض، ليش جاري المدخن الشره السمين والي صابته الجلطة ونقلوه على المستشفى وعمل عملية قلب مفتوح يضحك بكل صوته وانا قاعد بالبيت خايف اطلع. ليش انا اخاف من المرض مع أني عارف ومتيقن ومؤمن انو ربنا قادر انو يعيشني 70 او 100 عام وفجأة أقول يمكن يوم او ساعة وابلش اخاف، ربنا كاتب لكل واحد عمر رح يعيشه كامل ليش انا اخاف. يعني لو انا ما أخذت اَي دواء ويلش ادخن بشراهة وأوكل لحم كثير رح اعيش حياتي كلها مو ناقصة ثانية.

وأفكر أقول ليش ااتعب تفكيري بالمرض والخوف، وانا لازم استغله لتحسين مستقبلي وأنجز المزيد في حياتي، التفكير تعيني أمراض والإنترنت مليان كلام غريب. ليش ما ارجع أوخذ السيبرالكس واخلص من هالقصة، انا ما رح ارجع اشوف دكتور لانه معظمهم لا يعلم بالطب شيء، لا اثق بالأطباء ولا المستشفيات ولا الفحوصات الطبية. قرأت مقال ان FDA اكبر اكذوبة في الحياة. السيبرالكس عمل أعجوبة في مخي وخلاني مرتاح كثير هل ارجع اوخذه على طول العمر؟

والكونكور هل أوقفه واعيش حياتي طبيعية واخلص من هالقصة؟ شلون أوقف الكونكور، هل ارجع افحص ضغط او خلص أنسى الموضوع. ليش انا مصر على الخوف من جلطات القلب او الدماغ، بالرغم من ان حوادث السير تحصد ارواح اكثر

في أفكار كثيرة موجودة عندي مش عارف شو اعمل فيهن

المصدر: نفساني