11-01-2017, 05:42 PM
|
#1
|
|
عضو
|
بيانات اضافيه [
+
]
|
|
رقم العضوية : 55381
|
|
تاريخ التسجيل : 01 2017
|
|
أخر زيارة : 19-10-2017 (05:30 AM)
|
|
المشاركات :
19 [
+
] |
|
التقييم : 10
|
|
|
لوني المفضل : Cadetblue
|
|
تجربتي وعلاجي للرهاب.
السلام عليكم ورحمة الله وبركاتة.
في البداية انا وحدة عانت من الرهاب .. ايام حياتي كلها اللي راحت انا ماعشتها بالشكل المطلوب اللي ابغاه ويبغاه كل انسان انه يكون اجتماعي مع الناس ويكون له علاقات صداقة وصحبه وغيرها لاني كنت والحمدلله اني كنت اعاني من الرهاب الاجتماعي.
اليوم جايه اكتب لكم لاني حسيت حق ومن واجبي اني انبهه ناس كثير عانو من اللي عانيته.
ماحسيت بمعاناتي الحقيقيه الا على ايام الثنوي عانيت الكثير بسبب الرهاب بدون ذكر للتفاصيل لكني عانيت بشكل متعب
دورت ادويه بكل مكان رحت لااطباء نفسيين مارست كل طقوس وتمارين العلاج بالطاقه والحريه النفسيه وكله مانفعني
ياجماعة بعد ذي المعاناة كلها احلف لكم بالله اني لقيت الحل ولاحظت اثره ولاحظو اثره اللي حولي
بعد ماتعبت من كل شي وكنت وحيدة ومافي احد اشكي له ويسمع لي مالقيت قدامي الا الله هو الوحيد اللي بيسمع لي واللي كنت غافله عنه وناسيته
التجأت لله م اعرف كيف اذكر لكم التفاصيل كيف البداية كنت مستثقله ذي العبادات كيف كانت ثقيله علي واحس بشي يكرهني فيها ويكرهني بطريق الخير كيف كنت اشوف ان الناس القريبة من ربي ناس كئيبة مو عايشه حياتها لكن طلع ذا كله من الشيطان
والله انه الشيطان اللي يكرهك بالعبادة والشيطان اللي يعبي مخك افكار سلبيه والشيطان اللي يتعب نفسيتك والشيطان اللي يحسسك بكره لذاتك الشيطان اللي ينبسط اذا شافك مهموم متضايق متكدر ..الشيطان عدوك
بالبداية بس صرت اصلي الصلوات بوقتها وبالتدريج صرت اقرا اذكار الصباح والمساء مع انها كانت ثقيله علي بشكل لكن صبرت وكملت على الصلاه بوقتها والاذكار وزدت عليهم التحصين مع الايام بديت اخصص لي ساعه كامله اقرا فيها البقره واذا ماقدرت اقراها اقرا على نفسي المهم مايمر اليوم الا وانا مسويه واحد من هالاثنين مع العبادة وبالتدريج تقربت من ربي واللي خلق السماوات والارض ولا لي مصلحة بكلامي ذا لكن والله ان حالي تبدل ونفسيتي تحسنت صرت احس براحه عجيبه
لاحظت بالفترة اللي كنت ماشيه فيها بالعبادة والتقرب من الله اكثر اني صرت اطالع بعيون الناس بكل ثقه!! مستوعبين انا اللي كنت مستحيل اطالع بعيون احد لان غصب ينقلب وجهي ويحمر واتلعثم بالكلام والله اني صرت اطالع عيون الناس بكل ثقة ومع الوقت صرت اتكلم بثقه واقدر ارتب كلامي ويكون واضح
م اقولكم شفيت تماما لكن انا تحسنت بنسبة 70 ٪ وانا بطريقي بأذن الله دام الله معاي .
بقول شغلة مهمه مع العبادة اشتغل على افكارك مابيكون صعب عليك اذا كنت مع الله لانه بيعطيك راحه عجيبه تخليك تقدر تتحكم بمشاعرك ركز على تفكيرك دايم كافئ نفسك حب نفسك وحب الله بتحس العالم كله ملكك بيدك بتحس فعلا بالحياة.
ممكن فيه ناس كثير بتقرا موضوعي بتحس ان فيه مبالغه لكن اتمنى من كل انسان يعاني من شي يتعبه بنفسه وعجز يغيره انه يلتجأ لله العظيم اللي خلقني وخلقك والله انه مابيردك.
واتمنى لكم جميعاً حياة طيبه.
|
|
|
|