نفساني - عرض مشاركة واحدة

13-01-2017, 03:57 AM

صباح الخير

الله يشفيك ويعافيك وياجرك وانا اخوك .. اصبر لعل الله يحدث بعد ذلك أمر يكون فيه سعادتك بالدارين بإذن الله

والله وانا اخوك حنا بشر ما ندري ولا نعلم الغيب .. ولعل المرض والمعاناة اللي مرينا فيها خيرة لنا .. ما ندري لو كنا مستصحين ومتعافين ايش كنا نكون .. ربما مرتكبين لذنوب وكبائر وممكن أكبر من كذا بعد ... لوهله ممكن الإنسان يتسائل وقت الضيق والتعب ولكن لازم يبعد الأفكار هذي من راسه لأنها ما تقدم ولا تؤخر إلا إنها تزيد ضيقه وتعبه

لذلك دائماً أقول لعل هالشيء فيه خيرة .. أو فيه كفاية شرور ما نعلم عنها كانت ممكن تكون لو كنا متعافين .. وفي قصة قتل الغلام في سورة الكهف خيرة لوالديه وهم ما يدرون

الواحد ما يدري لو كان متعافي هل بيكون شاكر أو طاغي ومتجبّر ومتكبّر ومرتكب كبائر أو مشرك أو يموت بخاتمة سيئة وشنيعة ... يمكن المرض هذا رد عنّا أشياء كثيرة ما نعلمها وربك هو اللي يعلمها

اصبر وانا اخوك وخل عزومك قويّة .. و ثق بالله إنه بيعوضك خير ولا تفقد الأمل ولا تقنط .. عسى الله ينولك سعادة هالدنيا والآخرة بإذن الله

..

أبو عبادي ,أبوأمل ,رسوم متحركة معجبون بهذا