الأمل القادم

بيانات اضافيه [ + ]

رقم العضوية : 6216  تاريخ التسجيل :  05 2004  أخر زيارة : 28-10-2018 (01:21 PM)  المشاركات : 96 [ + ]  التقييم :  10

لوني المفضل : Cadetblue

السلام عليكم ورحمة الله وبركاتة

اخواني وأخواتي

أبن الرياض

رسيل

زمن التيه

الصقر الأبيض

مريام


شاكر لكم ومقدر على تعليقكم الكريم على الموضوع


بس تراني انا فرفوش بطبعي يعني احب الفرفشه

وأتمنى اني اتزوج وحده فرفوشه وهذي احد طلباتي في زوجة المستقبل

وذلك بعد الألتزام مباشرة

حتى اني دايم اقول للوالده الله يطول في عمرها انها تدوري وحده منسمه


وهي الله يجزاها خير تقولي وش منسمة ياوليدي هل يعني ضعيفة هههههه


وانا اقول لها لا يمة يعني فرفوشه :: قالت مدري من وين تجيبون هالاسامي


وصحيح اني مريت بحالة اكتئاب لكن كانت فترات الاكتئاب في حياتي شهرين

مره شهر وتعالجت ومره شهر بعد نكسه لترك الدواء ورجعت للدواء

ولله الحمد حالتي مستقره الأن


لكن دايم كانت ترودني فكرة الزواج من وحده عندها مشكله


يعني وحده تكون معاقه ومقعدة

وحده فقيرة مره يعني حالتها صعبة للغاية

واخر شي طرى على بالي وقلت ليش ماتاخذ وحده عندها مرض نفسي

وخصوصاً اني عندي خبره في هالموضع


وكل هذي الخيارات اتخيل نفسي اني انتشل هذه الفتاه من مشكلتها

واغير حياتها


ما ادري وش قصة هالشعور ليكون مرض نفسي ثاني وانا مدري

الله يستر


بأنتظار تعليقكم ومشاركتكم الغاليه على قلبي

اخوكم الأمل القادم