مشكلتي شرحتها كتير بس هقولهالك تاني يا طيب

اولا أنا اصابني نوبات هلع الاعراض اللي اصابتني
دقات قلب سريعه تنفس سريع وضيق في التنفس وخوف من الموت وارتفاع في ضغط الدم وصل 170/100
وحتي ضعف عام ومش قادر اقف على رجلي وخوف من الموت
وكنت ببكي كتير
ومش بعرف أنام ولا انزل ولا اروح الدوام ولا بتنقل كتير من الخوف والقلق
وجالي غثيان
وفقدان شهيه

الادويه التي وصفت لي في البدايه كانت ليمبترول واخذته ومفيش اي فايده
وتاني دواء ساليباكس كذلك بدون فائده قررت النزول مصر
والطبيب وصف لي سيروكسات سي ار 25
وزاناكس لمده شهر وقطعت العلاج
التحسن بعد 25 يوم تحسن كبير
بعد 3 شهور بالتمام والكمال تحسن كامل

مارست لعب الكورة مع العلاج الدوائي وجاب نتيجه ايجابيه
كل اعراض الهلع اختفت تماما
فتره العلاج كانت سنتين
بعد سنه ونصف بدأت بقطع العلاج تدريجيا
حتي اصبحت أخذ حبه كل ثلاث ايام ووصلتها حبه اسبوعيه
الاعراض اللي قابلتني في سحب العلاج هي احساس بصعقات كهربائيه في الراس او مرور تيار كهربائي خفيف هو مافيش منه الم نهائي ولكنه مزعج ومقرف جدا
بس مع التدرج الشديد اوقفت العلاج وتحملت العرض كام يوم


بعد عام من قطع العلاج تعرضت لانفعال قوي جدا اثر على
فمن باب الاحتياط اخدت السيروكسات تاني كورس علاجي 3 شهور وثم قطعته وسحبته تدريجي والامور تمام ومفيش ادني مشكلات

هذه مشكلتي ومشاركتي مع الهلع
يرضيك ايه عشان تتاكد من كلامي
اجيبلك وصفاتي الطبيه اجيبلك التحاليل اللي عملتها للغده وتحاليل شامله للدم

انا وقت الهلع اقسم بالله كانوا هيحجزوني في المستشفي لولا اني رفضت وقلت اقاوم واصبر على العلاج فتره واشوف التحسن

نسبة الشفاء معي 100 % حياتي افضل مما سبق
الهلع والدواء والرياضه مترابطين تماما
الرياضه اللي كنت بمارسها هي لعب كرة القدم
صراحه ساهمت بشكل كبير جدا جدا جدا في القضاء على الهلع وأنا شايف انها الوسيله اللي ساعدتني مع العلاج ولا سواها
والحمد لله كل شيء تمام ومفيش مشكلات