المشاركة الأصلية كتبت بواسطة أحمد أبوحميد

السلام عليكم ورحمة الله وبركاته،،

أعرف أن لا يوجد دكاترة نفسيين هنا، لكن بالطبع بعضكم يعرف أعراض الرهاب ووشكله.

سوف أقوم بسرد ما أعانييه فى إنتظار التشخيص...

- لما بكون ماشى فى الشارع بحس إن الكل مراقبنى وبيبص عليا ومعظم الوقت ببقى مش عارف اودى ايدى فين! آه والله، بحس إن ماشى بطريقة هبلة والناس حتلاحظ كدا وبقعد احرك فى ايديا الاتنين واهرش فى راسى بالرغم ان مفيش امل ولا حاجة (ههههه) آه والله. بحس بتوتر رهيب خاصة فى الشوارع الممتلئة بالناس، لكن لما الشارع يكون فاضى بحس بطمأنينة شوية. (حكاية التوتر وانا ماشى فى الشارع ديه بتحصل معايا على طول

- معظم الوقت ببقى ساكت فى أى حتة اروحها + بتوتر. المكان الوحيد اللى ببقى فيه اجتماعى هو المنزل مع العائلة. بكون اجتماعى بطريقة انا بستغربها من نفسى... لكن مع الغرباء ... صمت وخوف من الحديث بشكل غريب!

- أنا بتكلم بسرعة (طبيعتى كدا للأسف) وده بيخلينى ساعات اغلط فى مخارج الحروف والكلمات.

- صعب جداً أو مستحيل أخش مكان أو محل جديد مدخلتوش قبل كدا (خاصة لو لواحدى) مطعم، محل ملابس، إلخ... بخاف اخش الاماكن ديه لوحدى. بسبب الحكاية ديه أنا مجبتش لبس جديد بقالى كذا سنة! (على سبيل المثال)


- لما باب المنزل يخبط، بخاف افتح الباب وبستنى اى حد من العيلة يفتحو!

- لما ييجى ضيف فى المنزل، بخش اوضتى واقفل عليا!

- معظم الوقت صامت جداً بطريقة انا نفسى زهقت منها! على سبيل المثال، انا مشترك فى جيم حالياً لكن لما بروح بفضل ساكت معظم الوقت وحتى المدرب بتاع الجيم مش بكلمو وبضطر اشوف تمارين انا بنفسى على النت واعملها...!

- شكلى أصغر من سنى وديه مسببالى عقدة نفسية. وبيخلينى أنطوى على نفسى ومخرجش من البيت. (انا 22 سنة واللى يشوفنى يقول عليا 16 سنة) - ملامح وشى صغيرة صوابع رجلى وايدى صغيريين وجسمى كلو صغير. أنا 160 سم.

- بسوف حاجات مهمة وحتفرق معايا فى مستقبلى وشغلى! أو تقدر تقول تسويف + كسل منى.

- مكونتش صداقات جديدة من الابتدائية.

هذه أعراض رهاب إجتماعى أم انا شخص منطوى فقط لا اكثر ولا اقل؟ أم خجل؟ أم ماذا؟