نفساني - عرض مشاركة واحدة

22-01-2017, 11:13 AM

اقتباس:

المشاركة الأصلية كتبت بواسطة سَارَة

السلام عليكم ورحمه الله وبركاته
ابوي جاه المرض النفسي وهو بالثلاثينات
لكن مدري ايش فيه بالضبط ماعلموني خايفين علي
الي اعرفه انه يشك بالناس باعمامي بخوالي بأمي
ويقعد يقول قصص من خياله وهو مصدقها
كان اذا اشتدت عليه الحاله يكلمون المستشفى ينومونه كل سنه يتنوم
يجون ياخذونه بالغصب وكان يقول انا ماني مريض ورافض ياخذ ادويه
لكن احنا نخلط ادويته مع الاكل ونعطيه وهو مايدري
توفي قبل سنتين وعمره50 سنه بس لاحظته صح مايضحك لكن يحب الحياه ويظن انه بيعيش كثير
وش المرض الي في ابوي وش يسمونه !؟ سالت عمتي وقالت وسواس قهري
بالعلم جميع اعمامي السته مرضى نفسيين ويتعالجون واحد من اعمامي بيته قريب مننا طلق زوجته وحابس نفسه بالبيت
على انه قريب مننا له عشر سنين من تعب ماشفناه

يا سارة انا عرفت بالضبط وش اللي يدور في راسك بس لا تخافين المرض اللي في ابوك ما ينتقل بالوراثة وهو له مسببات وباكون معك صريح بس اعذريني على صراحتي ..
المرض اللي كان يعاني منه والدك رحمه الله ليس اكتئاب ولا وسواس هو مرض ذهاني اسمه الفصام الزوراني او ذهان البارانويا
وهذا المرض يصاحبه حالات اكتئاب وقلق شديد وشكوك زائدة في الناس في غير محلها وظنون كاذبة وجنون الاضطهاد والعصبية المفرطة
ومصيبة هذا المرض ان المصابين به دائما يعتقدون انهم ليسوا مرضى ولا يحتاجون الى اي علاج ودائما ما يرفضون استخدام الادوية ويعتقدون انهم فقط مصابون بحالات اكتئاب وقلق عابرة وهذي هي المصيبة
وطبعا هذا المرض له اعراض كثيرة ولكن ذكرت لك ابرز الاعراض حتى لا أطيل في الكلام..
وهذا المرض يصيب في العادة الناس الذين كان لهم سابقة في تعاطي المخدرات مثل الكبتاجون والحشيش او تعاطي المسكرات والمشروبات الكحولية
وقد يصيب هذا المرض بعض الناس دون تعاطي اي نوع من المؤثرات العقلية ولكن نسبة الاصابة به قليلة جدا ربما لا تتعدى الواحد من الألف
فلا تخافي فما حدث لوالدك لن يحدث لأحد منكم بإذن الله

أبوأمل معجب بهذا