نفساني - عرض مشاركة واحدة

24-01-2017, 02:53 AM

السلام عليكم ورحمة الله وبركاتة

انا مشكلتى كلها بدأت من شهرين ذهبت لدكتور العيون عشان عينى الشمال كانت ملتهبة فالدكتور قالى عينك فيها جلطة

وقالى اعمل الاشعة دى وحاتهالى وفعلا عملتها وروحت لية تانى عشان يشوفها فعلا كان تشخيصة صح وكتب لية علاج

حقنة ديبرى فوس دى حقنة كورتيزون وسولوبريد حباية بعد الفطار والغدا لمدة خمس ايام وحباية لمدة خمس ايام ونص حباية لدة خمس ايام

دا كورتيزون برضوة ومعاهم الاسبوسيد للسيولة تانى يوم للعلاج بالليل لقيت ضربات قلبى سريعة والضغط واطى روحت المستشفى دخلونى العناية المركزة

عالقولى محلول كورديرون من الساعة 2 صباحا لحد 12 الضهر وبعد كدة عملو تحليل غدة طلع سليم والدكتور عمل اشعة ايكو طلعت سليمة وكتبلى بيتكور نص حباية

كل 12 ساعة بعد ماخرجت روحت لدكتور قلب وباطنة تانى عشان اطمن كشف علية وقالى انت سليم بس اللى حصلك دة نتيجة التفكير الكتير عمل كهربا زيادة لى القلب

وقالى تفضل ماشى على الاسبوسيد طول العمر وحبوب كورديرون مرة بعد الغدا وقالى التسارع دة ممكن يحصلك تانى وكتبلى حبوب ريتنورم اخدها ساعة مالضربات تزيد

ولكن انا مش مرتاح برضوة وعملت تحليل صورة دم كاملة وروحتيلة قبل الاعادة مطلعش فيها حاجة غير كرات الدم البيضاء كانت عالية وكتبلى ليها مضاد حيوى وطبعا المعدة

عندى كانت تعبت كتبلى بيبزول قبل الفطار والعشا وبرضوة مرتحتش والقلق وتوتر ولو عملت مجهود صغير ضربات قلبى تزيد واهبط روحت لدكتور تانى نفس الكلام ادانى علاج

للقولون ومزيل للاكتئاب وبيقولى معتش تفكر كتييير وخليك بارد غيرت دكتور العيون وروحت لدكتور تانى كشف علية قالى انت عندك جلطة والعلاج اللى الدكتور كان كتبهولك لعينك

ملهوش علاقة باللى موجود فى عينك وقالى انت علاجك مش عندى قولتيلة امال عند مين قالى دكتور باطنة لان انت عندك وريد مقفول او شريان كاتم على وريد فانت عايز دكتور باطنة

روحت لدكتور الباطنة اللى كنت عندة قالى اعملى تحليل صورة دم كاملة ودهون ثلاثية وكورسترول عملتهم وروحت كل التحاليل حلوة ومفهاش حاجة لحد ماتعبت

روحت لدكتور باطنة تانى برضوة قالى انت معندكش حاجة بس المفروض كنت بدل ماتاخد الاسبوسيد او الجوسبرين كنت تاخد ماريفان وكتبلى ماريفان وقالى بعد خمس ايام تعملى

تحليل دم وكتبلى اندرال الجرعة 20 جرام 3مرات فى اليوم وكتبلى زوركال للمعدة وروحت لدكاترة مخ واعصاب الاول قالى دا توتر وتفكير وكتبلى علاج بس الدكتور بتاع الصيدلية

قالى متخدوش حايتعب بطنك وحايفضل منيمك روحت لدكتور مخ تانى قالى انت عصبى جدا وكتبلى علاج الدكتور الصيدلى قالى برضوة متخدوش بس انا اصريت المرة دى ان انا اخدة

لان انا تعبت واخدت حباية بس قبل ماانام تعبتنى جدا وتعبت المعدة وفضلت قاعد فى البيت يومين وروحت كشفت على بطنى وخدت علاج تانى ومش عارف اعمل اية او اللى انا فية

دة اية راسى حاتنفجر بصحى الصبح اللاقى ضربات قلبى سريعة اقعد شوية بتهدا وارجع انام واصحى الاقيها سريعة برضوة ياريت حد يفيدنى ربنا يشفينا ويشفيكوا جميعا

اميييييييييييين يااااارب العالمين

أبو عبادي معجب بهذا

المصدر: نفساني