شفت بقي انك فاقد التركيز
شفت بقي انك لو ركزت شوية في تعبك ومرضك هتلاقي نفسك ببساطه مع الدواء بتتحكم فيه يمين وشمال وهتلاقي ان الاعراض دي كلها مالهاش ادني اهميه وما هي الا اعراض فقط ناتجه عن القلق والهلع ومالهاش وجود او اضرار

نعم كل اللي بتشكي منه وبتقول عليه خصوصا الضغط على الاسنان وكذلك م اصابع القدمين ما هو الا حاله من القلق والتوتر
وعلى فكره معلومه فاتتك السيبرالكس اساسا من ضمن اعراضه ان بيكون فيه ضغط على الاسنان ومش دائما بتختفي زيها زي اي عرض بيحصل
يمكن فاتتك المعلومه دي بس عرفتهالك اهوه

النقطه التانيه
تفتكر لما قلتلك الكلام فوق بالاسود اكيد وشك اتغير وقلبك بيدق وخايف وموسوس
صح اوعي تنكر
تفتكر بقي بعد ما حصل لك كل ده جواك بيقول ايه
كان جواك بيقول ان كلامي كذب ومالوش اصل ومش هيحصل حاجه
بالتالي انت زرعت جواك فكره وهي تكذيب اعراضك وتحقير هلعك ودي مفيده على فكره مادام عقلك رفض كلامي
وانا واثق بنسبه 100% ان لما انت شفت كلامي قبل ما تقرأ الكلام المظلل بالاصفر ومخفي واثق اوي ان جواك رفض اللي قلتله وان جواك كان بيقولك لا مش هيحصل ده وانك كنت بتطمن نفسك داخليا مهما كانت الاسباب لأنك كده زرعت جواك بذره تحقير للمرض واعراضه

صدقني العلاج مع التحقير ممتاز اوي
ومادمت جربت كل الاعراض دي ومعاناتك منها جربت تسأل نفسك سؤال وتقول لنفسك
حصل لي ايه من كل الاعراض دي ايه اللي حصلي ايه الاضرار الجسمانيه اللي حصلتلي
هتلاقي ان الاجابه مفيش حاجه حصلت
يبقي ازاي تسمح للاحتمال الضعيف اوي اوي ان ممكن يحصلك حاجه يسيطر على الاحتمال الكبير أوي أوي والمؤكد انك زي الفل وان الاعراض والقلق والهلع مرحله وبتزول مع العلاج زيها زي الانفلونزا تماما

صحصح يسطا الله يكرمك