نفساني - عرض مشاركة واحدة

29-01-2017, 09:13 PM

السلام عليكم جميعاً
مدري إذا موضوعي مكانه هنا او لا
بس جد احتاج لمساعدتكم بعد الله سبحانه
انا كنت اعاني من اكتئاب سابقاً والحمدلله تعالجت منه وصرت افضل من اول ياربي لك الحمد
لكن بعد سنه جاني مره نوبه هلع واحساس بالموت كأن روحي بتطلع من رجولي وجلست معي تقريباً اسبوع وراحت
وصارت تجيني بين فتره وفتره متباعده يوم يومين وتروح .. نوبات هلع خفقان بالقلب وترقب للموت وجفاف بالحلق وقله نوم وانسداد للشهيه
لكن الان لي 3 اسابيع تقريباً اول يوم جاني هلع ونفس الاعراض لكن بتوتر وقلق اشد من قبل وجاني معاها كتمة وضيقه صدر ومالي خلق لاي شي
تحسنت كم يوم ورجعت لي باحسسسساس مسستمر للموت كل شي اربطه بالموت لاسمعت احد توفى قلت خلاص بعد كم يوم انا بموت اي شي صار يوترني لكن مع اعراض مختلفه احسها متناقضه ..احس خايفه ومو خايفه بنفس الوقت ، قلقه ومو قلقه احس يوومي قرريب اطرافي بارده كتمه ضربات قلبي احسها ضعيفه يالله اخذ نفس صداع احس لساني ينربط تنميل برجولي احس يدي تخدر الم بالمعده احيانا معي عصبيه افكر بالماضي كثير واحاسب نفسي ع اخطائي واقول بموت قريب وانا كلي ذنوب احس اني مو مع العالم ضايق صدري اشوف اهلي اقول شكلي اخر مره بشوفهم ،حتى الحين وانا اكتب لكم اقول شكلي بموت وماراح اقرا ردكم قلق مسستمررر احس اني مو طبيعيه ابداً
طلعاً لا اخلو من الذنوب الله يغفر لنا لكن الحمدلله محافظه على صلاتي ، ومسجله بدار تحفيظ القران
ومؤمنه انه كلنا بنموت ، لكن الشعور صعب جداً
رحت لدكتور وصرف لي سوليان ..طبعاً لسى م استعملته اليوم صرفه لي
بس هالاعراض والمراحل المختلفه احد مر فيها هل هذا شي طبيعي ،طمنوني الله يطمنكم
ان شاء الله مانسيت شي وقلت كل اللي احسه
وششكراً مقدماً لكم جميعاً ، احتاج ردكم ومساعدتكم

المصدر: نفساني