عبدالله سلمان

بيانات اضافيه [ + ]

رقم العضوية : 52674  تاريخ التسجيل :  01 2016  أخر زيارة : 13-06-2021 (08:19 PM)  المشاركات : 1,242 [ + ]  التقييم :  14  الدولهـ  الجنس ~

لوني المفضل : Blue

وعليكم السلام ورحمة الله وبركاته

حياك الله وبياك اختي .. والله يكون بعونك ويرحم والدك ويطول في عمر الوالدة ويرزقك برها يارب


اختي الكريمة .. من الواضح بأن أبوك الله يرحمه رجل كبير في السن ومريض .. يعني ما كان في الخمسينات ولا في كامل عافيته وتسببتي عليه بشي هذا أولاً .. ثانياً الأعمار بيد الله يا أختي .. وأعمار هذه الأمة من الستين إلى السبعين وقليل من يتجاوز ذلك .. وفي النهاية الموت أمر مكتوب للبني آدم من أول ما خلق .. رزقه وعمره وشقي أم سعيد .. يعني إنتي ما كان في يدك ولا في يد أحد انك تمدين في عمره ولو ساعه وحده


الشيء المهم هو إنك تعرفين قدر الوالد الله يرحمه عندك .. وبذلتي جهدك في خدمته ورعايته ... ومو مهم رأي الغير .. المهم هو انك قدمتي قدر إستطاعتك .. ويكفي إنك انتي أول انسانة انتبهت له في مسألة تعبه ووقفتي جنبه حتى توفاه الله مع إن مسؤولية الذهاب للمستشفى تقع على عاتق الأولاد الله يهديهم وانتي سويتي اللي عليك وأكثر


وواضح إن اختك عصبية وغير منطقية في كلامها لما تلومك وتجرحك بالكلام بعد كل هالفترة .. ولكن ولا يهمك طيبي خاطرك وانا اخوك وريحي ضميرك ولا تأسين على شيء .. الشيء الوحيد اللي يؤسف عليه هو شخصية اختك ومنطقها مو شخصيتك ومنطقك وجهودك .. وأفضل شيء هو انك تجاهلتي الرد على مثل هالشيء الغير منطقي

لابد تحطين في بالك بإن فيه شخصيات تفتقد للأسلوب والعقلانية والهدوء .. وترحمين مثل هالناس وبنفس الوقت لا تتأثرين من تصرفاتهم .. بالعكس احمدي ربك انك مو كذا .. وارحميهم لأنهم بالشكل السيء هذا .. وهدوئك وصبرك ما يجيب لك إلا الخير والطمأنينة .. وانفعالاتها وعصبيتها وافترائها ما يجيب لها إلا الذنوب ونفور الناس منها .. فهل إنتي سعيدة بنفسك ؟ أو تتمنين تكوني مثلها ؟؟


بالتأكيد إنك سعيدة بما أنتي عليه .. لذلك حبّي نفسك وأعطيها حقها ولا تدخلك الشكوك من كلامها إنك قصرتي بشيء أو تسببتي في وفاة الوالد الله يرحمه


وبري بوالدتك وكوني أكثر هدوء في مثل هالأجواء ولا تسمحين بإن أي كلمة طائشة وغير محسوبة إنها تزعزع كيانك وتضايقك .. وكل شيء يقال ضدك ما يجيب لك إلا الخير .. وللأسف ما يرجع على قائله إلا بالذنب كونه إفتراء وأنانية


كوني قوية وأكثر إستكانة وهدوء .. وريحي ضميرك من طرطايش هالكلام اللي تجيك ... لأن كلامها غير منطقي وأليم الله يهديها ويعينها على نفسها ويكفيها شر لسانها .. ومالك إلا الأجر وثقي بأن الله نصيرك داااائماً وأبدا ضد كل إفتراء يصير عليك .. فقط كوني مستكينة وهادئة في مقابل هالأشياء

..