نفساني - عرض مشاركة واحدة - كلوزابين الدواء الساحر القاتل ، لكل من سمع به أو جربه أو عايش شخصا قد تناوله أدخل هنا

07-02-2017, 04:41 PM

حالتي بدأت بنمط مشابه لهذا الشكل باختلاف الموقف

"
حالة‏ ‏أ‏. ‏ش‏. "‏شاب‏ ‏في ‏العشرين‏ ‏من‏ ‏عمره‏ ‏في ‏الثانوية‏ ‏العامة‏ ‏للسنة‏ ‏الثالثة، ‏لم‏ ‏يدخل‏ ‏الامتحان‏ ‏في ‏العامين‏ ‏الماضيين‏ ‏وجاء‏ ‏هذا‏ ‏العام‏ ‏يطلب‏ ‏النصيحة‏ ‏مع‏ ‏والدته، ‏وقد‏ ‏دل‏ ‏تاريخه‏ ‏الشخصي ‏أنه‏ ‏من‏ ‏أنبغ‏ ‏أقرانه، ‏فقد‏ ‏حصل‏ ‏في ‏قبول‏ الإعدادي ‏على 98.5% ‏وفي ‏الإعدادية‏ ‏على 96% ‏وكان‏ ‏أول‏ ‏فصله‏ ‏وكان‏ ‏في ‏فصول‏ ‏المتفوقين‏ ‏في ‏السنة‏ ‏الأولى ‏والثانية‏ ‏الثانوية، ‏وقد‏ ‏أمضى ‏إجازة‏ ‏صيف‏ ‏السنة‏ ‏الثانية‏ ‏في ‏انشغال‏ ‏شديد‏ ‏على ‏السنة‏ ‏القادمة‏ ‏وبعد‏ ‏بداية‏ ‏الدراسة‏ ‏بأسبوعين‏ ‏تشاجر‏ ‏مع‏ ‏زميل‏ ‏له‏ ‏بشأن‏ ‏أيهما‏ ‏يجلس‏ ‏في ‏المقعد‏ ‏الأمامي ‏وقد‏ ‏نصر‏ ‏زملاءه‏ ‏زميله‏ ‏عليه، ‏فنزل‏ ‏في ‏الفسحة‏، ‏وأسند‏ ‏ظهره‏ ‏إلى ‏الحائط‏ ‏وحيداً‏ ‏وزملاؤه‏ ‏يتحدثون‏ ‏سويا‏ً.. ‏ويجرون‏ ‏ويلعبون‏.. ‏والحياة‏ ‏تصخب‏ ‏وأثناء‏ ‏ارتكانه‏ ‏للحائط‏ ‏وتطلعه‏ ‏لهذا‏ ‏الجري ‏والحياة‏ ‏تصخب‏ ‏من‏ ‏حوله‏ ‏يقول‏:‏

‏... ‏حسيت‏ ‏إن‏ ‏فيه‏ ‏حاجة‏ ‏طارت‏ ‏من‏ ‏مخي ‏زي ‏ما‏ ‏يكون‏ ‏فضي ‏مرة‏ ‏واحدة‏ ‏وكنت‏ ‏حاقع‏ ‏على ظهري ‏لولا‏ ‏كنت‏ ‏ساند‏ ‏ على ‏الحيطة، ‏ومن‏ ‏يومها‏ ‏وأنا‏ ‏مش‏ ‏على ‏بعضي، ‏حسيت‏ ‏إني ‏اتغيرت‏ ‏تماما، ‏التغيير‏ ‏كان‏ ‏في ‏الأول‏ ‏جامد، ‏كنت‏ ‏زي ‏ما‏ ‏يكون‏ ‏نفسي ‏اتغيرت‏ ‏عن‏ ‏نفسيتي، ‏زي ‏ما‏ ‏أكون‏ ‏مش‏ ‏متعود‏ ‏على ‏نفسي، ‏حتى ‏الشوارع‏ ‏وأنا‏ ‏مروح‏ ‏زي ‏ما‏ ‏أكون‏ ‏كنت‏ ‏بامشي ‏فيها‏ ‏لأول‏ ‏مرة، ‏ورجعت‏ ‏أشوف‏ ‏ماما‏ ‏وبابا‏ ‏بقيت‏ ‏أقول‏ ‏هو‏ ‏أنا‏ ‏شفتهم‏ ‏قبل‏ ‏كده‏؟‏ ‏بقيت‏ ‏أغمض‏ ‏عيني ‏وأفتحهم‏ ‏عشان‏ ‏أتأكد‏ ‏إنهم‏ ‏هما‏.. ‏وقعدت‏ ‏مخضوض‏ ‏كده‏ ‏كام‏ ‏أسبوع‏.. ‏وطبعاً‏ ‏طعم‏ ‏كل‏ ‏حاجة‏ ‏اتغير‏ ‏ما‏ ‏عنتش‏ ‏أحس‏ ‏بالعواطف‏ ‏ولا‏ ‏حب‏ ‏ماما‏ ‏لي ‏مع‏ ‏إنها‏ ‏زادت‏ ‏في ‏العناية‏ ‏بي ‏وقعدت‏ ‏أسأل‏ ‏هوا‏ ‏أنا‏ ‏كنت‏ ‏بافرح‏ ‏زمان‏ ‏وبازعل‏ ‏زي ‏الناس، ‏ولا‏ ‏دا‏ ‏كان‏ ‏إيه، ‏ما‏ ‏عنتش‏ ‏باهتم، ‏وبعدين‏ ‏المذاكرة‏ ‏وقفت‏ ‏خالص‏، ‏قعدت‏ ‏شهرين‏ ‏أذاكر‏ ‏بالعافية‏ ‏اللي ‏كنت‏ ‏اعمله‏ ‏في ‏ساعة‏ ‏أعمله‏ ‏في ‏ست‏ ‏ساعات‏، ‏وبعدين‏ ‏ما فيش‏ ‏خالص‏ ‏لما‏ ‏قرب‏ ‏الامتحان‏، ‏ومن‏ ‏يومها‏، ‏وأنا‏ ‏في ‏النازل‏ ‏زي ‏ما‏ ‏يكون‏ ‏حاجة‏ ‏راحت‏ ‏مني، ‏قعدت‏ ‏مدرووش‏ ‏حبه‏ ‏وبعدين‏ ‏الحكاية‏ ‏هديت‏ ‏بس‏ ‏خلاص‏ ‏اللي ‏كان‏ ‏كان ‏..".

وهكذا‏ ‏نرى ‏البداية‏ ‏الفجائية‏ ‏النموذجية‏ ‏للمرض‏ ‏ويغلب‏ ‏عليها‏ ‏الربكة‏ ‏وتغير‏ ‏إدراك‏ ‏الذات‏ ‏والعالم‏ ‏من‏ ‏حوله، ‏ثم‏ ‏التوقف‏ ‏الدراسي ‏وتغير‏ ‏المشاعر، ‏ثم‏ ‏الآثار‏ ‏الدائمة‏ ‏لهذه‏ ‏الخبرة، ‏وكل‏ ‏ذلك‏ ‏حدث‏ ‏لشاب‏ ‏متفوق‏ ‏مستقر‏ ‏منتظم، ‏والذي ‏رسبه‏ ‏حادث‏ ‏رمزي ‏قد‏ ‏يشير‏ ‏إلى أن‏ ‏زميله‏ ‏انتصر‏ ‏عليه‏ ‏بمساعدة‏ ‏آخرين‏ (‏المجتمع‏) ‏في ‏الحصول‏ ‏على ‏المقعد‏ ‏الأمامي ‏وبالتالي ‏فإنه‏ ‏استغله‏ ‏وكأن‏ ‏كيانه‏ ‏المتفوق‏ ‏قد‏ ‏اهتز‏ "